Anson Lo通宵12小時見面會　暖心陪伴「神徒」到天光

【點新聞報道】MIRROR歌迷聚會《Hi MIRO！Garden Party 2026》連日在麥花臣場館舉行，盧瀚霆（Anson Lo）於昨晚（30日）接力登場，與近2000名「神徒」互動，更破紀錄由晚上7時30分玩到今晨7時15分，連續12小時通宵陪伴粉絲，成為今次聚會中歷時最長的一場。

Anson Lo甫出場，全場尖叫聲幾乎震穿場館。除了獻唱和遊戲環節，他特別向「神徒」道出內心話：「每次你哋望住我，都俾到力量我，令我覺得自己係一個有用嘅人，原來我嘅存在可以令你哋日子易過啲。」他更透露過去4個月再度陷入巨大壓力，「所有嘢冇以前咁鬆，驚大家唔開心，每次見面唔知應該做咩好、公唔公平、喺邊個平台出現、出現幾多次……呢幾個月我成日困擾喺呢啲topic，好緊張，想做到最好令所有人都開心。」「神徒」們聞言紛紛高喊打氣。

約晚上9時半，開始一對一派花環節，由於現場近2000人，流程逐漸延誤。至凌晨3時半，大會宣布因要清拆舞台交還場地，尚餘黃、藍兩區約700名粉絲需移步到大堂花店布景繼續派花。Anson Lo多次鞠躬致歉：「唔好意思，我哋可能要稍移玉步去第二個地方，你哋有咩要求繼續叫我做啦，sorry！」離台時他再次感謝大家等到凌晨，並說：「今日可能有少少安排不便，我會繼續用200%努力做好工作回報你哋。」隨後全場神徒自發合唱他的新歌《本命》，場面感動。

事後有「神徒」在網上批評部分人不自律：「有啲人得一想二再三而四，真係好過份。」Anson Lo則在IG限時動態發文感謝：「辛苦每一位『神徒』，知道平日大家仍要上班，真的辛苦了。」不少粉絲留言表示心痛他連番鞠躬致歉，更得知他為表誠意一直忍痛站立派花，至凌晨2時才肯坐下，紛紛大讚偶像的用心與付出。

（點新聞特約記者陳惠芳報道）