（有片）洪卓立許靖韻佛山巡演「隔空鬥法」　齊齊驚現蝦碌場面爆笑不斷

【點新聞報道】洪卓立與許靖韻日前在佛山舉行內地巡迴演唱會首站，兩人「隔空鬥法」，驚喜不斷。最搞笑的是雙雙遇上蝦碌場面，為觀眾帶來不少歡樂。

洪卓立今次跟隨魔術導師學了三招，本想給觀眾驚喜，可惜初體驗略顯緊張。第一個魔術表演完，現場觀眾似乎沒意識到他在變魔術，直到第二個魔術從袖口拎出水杯，效果才顯現，終於贏得掌聲。他笑言：「係有啲緊張，頭兩個魔術做完後，大家冇我想像中嘅反應，哈哈。好彩第三個佢哋終於get到，都叫有啲交代啦。」他更透露對魔術產生興趣，希望日後有機會鑽研。當他唱到《回到最愛的那天》時，他有感而發：「自己人越大，屋企人亦都會老，可以相處嘅時光亦都唔多，希望大家珍惜喺返工放工、返學放學以外嘅時間，多啲陪屋企人。」令現場不少歌迷眼濕濕。

至於許靖韻又是另一番風景，全晚唱足兩個半小時，更換6套戰衣。今次她特別加插一段長約10分鐘的Dance Medley，大跳勁舞，不過演出背後卻發生了一段小插曲。其中一套歌衫試身時十分合身，但正式演出時才發現少了放置耳機接收器的位置，Quick Change環節嚴重超時，最後要動員10次硬拉才勉強拉上拉鏈，險釀「服裝災難」。

事後許靖韻仍驚魂未定：「真係嚇死我，當時喺後台成班人幫手夾硬拉，我心諗如果拉唔到，都照上台㗎啦，橫掂觀眾都應該睇唔到我背脊，完全冇諗過唔着呢條裙，因為真係好靚，好彩最後都搞得掂。」

（點新聞特約記者陳惠芳報道）