屋邨茶記推$14,888天價圍餐 嚇窒網民：會唔會有啲貴？
【點新聞報道】香港茶餐廳，一向快靚正！不過，有食客近日發現粉嶺祥華邨一間茶餐廳推出「天價圍餐」，每圍價值14,888元。帖文旋即引起網民熱議，「多咗個1字」、「梗係貴啦，龍蝦得半隻，又冇炒粉麵飯」。
有網民在社交平台threads上載粉嶺祥華邨商場內一間茶餐廳，貼在店外的一張「尊貴盛宴」菜單，寫道：「呢間茶餐廳會唔會有啲貴？」由菜單所見，價值14,888元的「尊貴盛宴」，為全包宴供12位用，每席奉送2支大樽裝啤酒，各式汽水共8罐、法國紅酒1樽，茶芥及加一服務費全免。
菜色包括：高湯焗開邊澳洲龍蝦(每位半隻)、迷迭香羊架、田園沙律什果、蠔皇金錢原隻鮑魚(每位1隻)、玉帶蝦球配蘆筍、紅燒竹笙生拆蟹肉翅、清蒸大紅東星斑、大都會脆皮吊燒雞，以及燕窩紅蓮，還有甜品及果盤。
帖文旋即引起網民熱議，「咁嘅價錢，可以有更好選擇」、「頂多2888 」、「多咗個1字」、「又翅又龍蝦又羊架，我諗當去飲一圍咁，不過炒飯都冇」、「梗係貴啦，龍蝦得半隻，又冇炒粉麵飯」、「但嘢飲都幾孤寒送得十罐」、「冇翅你食咩？冇鮑魚你食咩？係冇冷氣之嘛！」。
茶餐廳負責人回應傳媒查詢時表示，餐廳一向有提供價值2,000至4,000元的平價圍餐，該圍餐是在農曆新年前推出，旨在為客人提供更多價位的選擇。不過，目前只有兩圍客人訂餐，都是街坊熟客或由朋友介紹，對餐廳有信心才選擇這個餐。
