移民講人系列｜移英港人唔肯融入本地生活　網民嘲諷：咁移咩鬼嘢民

【點新聞報道】不少港人當初抱着「外國月光特別圓」的心態移民，結果去到因人生路不熟，下下都要搵返香港人做盲公竹，見到香港人好似中六合彩咁。一名受夠英國已回流的港人在網上發文揶揄：「其實咁鍾意香港人咁移咩鬼嘢民，留喺香港咪日日都見到香港人囉。」

該名三十年移民英國、現已回流香港的港人，在社交平台threads發文，指移民英國的港人生活圈子狹窄，遇事只識得搵返香港人幫手，難怪難以融入當地生活，「近排香港人出post 話好開心NHS遇到返香港人，有啲網友仲特登搵返香港人牙醫。我心諗又話移民英國要融入本地生活，點知移英後乜都要搵返香港人。買樓搵香港人，裝修搵香港人，買車又搵返香港人」。

然而，移英港人圈子經常爆出「香港人專呃香港人」，樓主質疑移英港人的心態，「咁到底你哋想點？ 而家英國人裝修唔好咩？印度醫生唔識醫人咩？你哋咁叫歧視知唔知？」樓主又揶揄移英港人還用黃藍區分，「點解遇到香港人咁興奮呀，人哋分分鐘係藍絲嚟，你哋班師奶有冇問清楚先？ 」

樓主嘲諷「其實咁鍾意香港人咁移咩鬼嘢民，留喺香港咪日日都見到香港人囉。」有網民表示認同，「其實我心入面都有個問題。我成日見啲kol 在曼城利物浦伯明翰倫敦等等大城市捐窿捐罅，目的就係為咗搵香港嘅嘢食，仲成日強調『一秒返咗香港』，我有時諗點解一定要係咁做呢？如果真係咁掛住香港嘅食物，咁其實香港日日都有得食。不過又咁，如果關乎自己條命嘅，例如睇醫生，如果有得揀，我都想揀過易溝通嘅。」