食客驚見瓷製鮮蟹蓋　網民：都好過二手殼

【點新聞報道】有食客分享日前到高級中菜廳用膳的「得意」經歷，憶述食到其中一道菜式「香酥炸釀鮮蟹蓋」時，食至一半突然發現手中蟹蓋竟非天然蟹殼，懷疑是由瓷製而成，急急找來菜單一看，留言慨嘆：「原來鮮蟹蓋有新定義」。

有食客在社交平台threads發文指，日前到中菜廳用膳時「食吓食吓發覺個蟹蓋邊好得意，先發覺原來係瓷製嘅」，即時查看菜單，根據其上載菜單顯示，該道菜式名為「香酥炸釀鮮蟹蓋」，樓主才發現「原來鮮蟹蓋有新定義」。

樓主其後將新發現拍照傳給在飲食界略有名氣的舅父一看，對方看罷直言「真係要問吓呢度邊個做F&B（餐飲業）」，然後再嘆道「而家飲食界冇人才」。樓主則回答說「唔係冇嘅，係我壇數唔夠遇唔到啫」。

帖文引發網民熱議，有人直指食肆「違反商品說明條例」，有網民則搞笑留言替食肆解畫，「鮮蟹肉+陶瓷蓋=鮮蟹蓋」「鮮蟹還鮮蟹，蓋還蓋」。

但亦有不少網民力撐改用瓷殼正確，認為較不斷回收蟹蓋「循環再用」更衞生，「都好過二手殼」、「向好嗰面諗，都好過佢回收隻真蟹殼嚟循環再用」、「咁你要個蟹蓋又唔係食得嘅，我覺得起碼好似衞生過真蟹蓋 」、「以前啲蟹蓋都係叫番嚟，邊有咁多時間真係用隻蟹起肉畀你食，其實依家呢個做法已經衞生咗，好過用萬年蟹殼」。

樓主也留言贊同，但認為要避免菜名用詞偏差引發誤會，「蟹起肉好花功夫，不過個菜牌都要配合吓 」、「菜牌唔好取巧就仲好」、「 菜牌就應該寫返啱」。不少網民均表支持，指「其實將菜單鮮蟹蓋改番做蟹肉乜乜乜成件事咪舒服晒！」「可以定為蟹蓋肉，咁就算冇膏都冇問題」。