行車隧道驚現男子駕駛電動滑板車 更疑背包載狗惹網民鬧爆
【點新聞報道】離譜！一名男子被發現於行車隧道內駕駛電動滑板車，更疑其背包內載有一隻小狗，過程遭拍下並上載至社交平台，引發網民怒斥男子罔顧自身安全。
拍攝者上傳影片至Threads，並鬧爆「Ching，唔好以為背囊有隻狗就大晒喎，X多兩鑊呀」。從上傳影片中可見，該名身穿黑衣黑褲的男子在行車隧道內駕駛電動滑板車，期間亦有車輛於隧道內行駛。男子身上未有佩戴任何保護裝備，神色鎮定，其身後背包頂部露出一個圓球狀物體，疑似為小狗的頭部。
影片旋即引發熱議，大批網民批評男子此舉，「大癲」、「好X危險呀」、「咩人嚟㗎？我真係從未見過有人可以咁囂張，敢喺隧道裏面咁搞法！」、「正pk完全唔顧危險」、「隻狗真係慘，有個咁嘅主人，呢啲人唔適合養狗，陷狗狗於極（度）危險中」、「佢冇諗過俾啲車hi到真係人狗都end game…」、「憎呢啲死打靶」、「大地任我行」、「瘋」、「怎麼這麼快！這看起來有每小時70公里？什麼瘋狂的電動滑板車能跑到70公里每小時？」，亦有網民質疑隧道內為何無人管理，並詢問是否已報警。
