（有片）移民講人系列｜窮L移英港男失業靠送外賣吊鹽水　同路人：你未算慘我靠食物銀行頂肚

【點新聞報道】日前有移英港男於社交平台發文，指目前失業只能靠騎單車全職送外賣吊命、怕頂唔住，便搵同路人圍爐取暖分享度過難關的經驗兼賣下惨，帖文掀起熱議。

港男指自己移英三年半，還差半年才能拿到ILR（永居）。但是他剛好失業了，現在「全職靠送Uber Eats吊命」。港男表示，「頭先計完下個月嘅固定開支，每個月最低消費都唔細。仲未計單車維修、電話費，同埋遲啲考多次B1 life in uk test ILR fees（費用）」。港男透露，「我有掙扎好唔好買架車送Amazon flex，但油費保險費對新牌貴到癡根。」

緊接着港男坦言「其實我唔怕捱，但我真係好驚自己會頂唔住」，並希望同路人分享度過難關的經驗「想問吓喺英國嘅大家，你哋最窮、最難捱嗰陣係點樣生存落嚟？俾少少希望我」。

帖文引起熱議，不少同路人給出建議，「窮，一定要身體健康！瞓食運動都緊要～食平但有營養嘅嘢：蛋、菜、生果，Lidl每朝都有£2一大箱蔬果，肉就下午5點左右去睇減價，30%-50% off都有。飲多啲暖水，無食開supplements就加片檸檬多啲維他命c。機會留俾有準備嘅人，好好加油呀」、「我最窮嗰陣係一星期返足7日，打2份工，每日lunch食45p方包，平時收工就去買黃label」、「以前英國讀書嗰陣，無錢又餓，最後餓到食人哋食淨嘅燒雞，雞殼上面僅有嘅雞肉」、「其實留意下附近community會唔會有free food，因為真係好L多。唔好怕拎，因為佢哋過咗期真係要掉（丟），呢啲真係惜食。以防浪費，我每次買嘢都係拎咗呢類嘅先。仲有OLIO app，成日好多free food。講堅，英國真係無可能餓得死，太多free food。另外cash back都好好用」、「我成日買tgtg，啲pastry夠食成個星期lunch。3GBP咁上下。想食其他嘢，可以喺超市收銀岀面拎。一大堆免費嘅。仲有Olio，每星期會有一日免費派嘢食。主要都係pastry多，同要鬥快。食物上，如果經濟上有困難，我感覺英國好多途徑有免費食物。衫都一樣。最大硬傷都係租，同水電煤。」

更有移加港人透露，「不是講笑，小弟在加拿大做緊min pay工等PR，久不久都需要去food bank拿（攞）小量罐頭頂，可能一個月都有幾天無錢開飯。」