移民講人系列｜移英窮L慳家唔煲水日日行路　網民嘲諷「咁窮就唔好移民」

【點新聞報道】英國生活成本高，搞到唔少移英港人成日要諗計點樣慳住使，過着窮酸生活。好似最近就有移英港女分享自己的慳家生活，除了返公司充電話、飲熱水，日日出入靠行路外，就連女性衞生用品都喺市政廳攞喎。她更支持網民建議「痾屎梗係返公司」，話「水、電、廁紙都慳小小」。有網民留言嘲諷「咁窮就唔好移民」！

該名移英港女在社交平台threads發文，求教網民問「移英後有哪些慳錢方法或儲錢方法呢？」她分享自己的慳家方法，包括：設立個人免稅儲蓄戶口（lifetime ISA）；幫襯廉價連鎖超市，話喺「Lidl 送菜：選擇大約1kg 薑」；自己種蔥，種一些香草；council有女性衞生用品可取，幾好用，一年可省£20左右；善用當地現金回贈平台，多數Top cash back。至於無車的樓主堅持60分鐘內行到的地方，都是行路來回。

而重中之重當然是慳水慳電，樓主會在公司替電話、手提電腦、尿袋（行動電源）充電，「公司充電話及手提電腦（星期六、日用手提電腦再充電話）」、「叉尿袋！回家多數用來叉電話及手提吸塵機，夏天可叉埋風扇仔」。

樓主在家就連水都唔敢煲，「返工日子在公司飲熱水，用暖水壺添熱水回家飲，慳返小小水費及電費」。皆因樓主計過，「如果每天煲少兩次熱水，一個月22個工作日計，大約只可慳 £1.45- £1.8電費」，可謂十分「算死草」。

有網民留言提建議「痾屎梗係返公司」，樓主亦表示贊同，指「水、電、廁紙都慳小小」，又指「返工唔留喺屋企，又可以減少在家支出」。

有網民則留言嘲諷「咁窮就唔好移民」、「老實講，咁樣慳來無用。慳到抑鬱」、「其實慳錢係一條曲線黎，開頭最易慳，去到最後你用少幾格廁紙其實都冇咩幫助」。