（有片）龍婷5月澳門騷擬勁歌熱舞　笑言樣子夠惡可嚇走狂迷

【點新聞報道】龍婷《旅程》巡迴音樂會最新一站將於5月23日登陸澳門，龍婷今日（23日）出席宣傳活動，透露以前曾去過澳門登台，但是是群星演出的形式，今次是首度獨挑大樑。

龍婷之前巡演，有否遇過歌迷示愛？她說：「我歌迷較內斂，台下靜靜看演出，反應冇咁熱情，但他們支持令我知心中有我。」她更言也未曾碰過男狂迷，她笑言樣子夠惡，無人敢埋身。她又透露澳門站的歌衫和歌單會有所改變，更會有跳舞環節，「我想唱一啲80年代嘅Disco式串燒歌，我以前都未試過唱，希望大家會鍾意聽又會一齊跳。」

問及會否揀選鄭秀文近期的翻Hit經典作品《星秀傳說》，龍婷說：「我十幾歲時有唱過呢首歌，因為當時非常喜歡《港樂》，很喜歡Sammi，也有諗過會唱呢隻歌。」至於會否考慮邀請嘉賓，龍婷笑言：「我之前演唱會都冇請嘉賓，今次同製作團隊認真考慮後，決定搵一個澳門靚女做嘉賓，就係《聲秀》參賽者甄敏芳(Jenny)，因為佢比賽有唱王菲嘅歌，到時可以同佢一齊唱。」

下周生日的龍婷說，已收到很多生日祝福，她要多謝朋友和粉絲對她的愛護，她的生日願望便是世界和平，大家身體健康，以及音樂會票房大賣。

（點新聞特約記者陳惠芳報道）