（有片）撕掉演戲標籖　張繼聰開騷跳舞挑戰高難度

【點新聞報道】張繼聰將於4月9日（星期四）晚上8時，在麥花臣場館舉行《WHAT'S NEXT LIVE 2026》個人演唱會。距離演出不夠一個月，張繼聰透露正身處大直路全力備戰，會以全新編排的歌單及舞蹈，撕掉標籤，讓觀眾認識演戲以外的他。

去年在內地有多場巡唱的張繼聰，直言這次演唱會捨易取難，他說：「今次rundown準備咗好耐，好多歌都係第一次現場唱，如果舊年你冇去過內地睇我嘅騷，今年嘅歌你一定冇聽過！」他更向一眾只熟悉他演員身份的觀眾呼籲：「如果你淨係睇過我演戲，從來未聽過我唱歌，你真係要嚟睇一次。人生唔可以話有咩大遺憾，但係你嚟我嘅演唱會，就會少一個遺憾。」

問到今次演唱會的一大難關，張繼聰直言是跳舞環節，坦言年紀漸長，排練過程猶如大考，說：「以前18、22歲，跳六、七個鐘冇問題，而家跳六、七個鐘會傷，所以要好精準。」他特別感謝欣賞已久的排舞師Luen Mo為他度身設計舞步：「佢嘅Hip Hop風格睇落簡單，要跳出味道，真係要做一千幾百次先做到。」

為做到絕不欺場，演唱會上的跳舞環節將長達十多分鐘的Medley，難度之高連太太謝安琪看完第一次綵排影片也不禁驚嘆：「你做乜搞啲咁嘅嘢？咁複雜你點跳？」不過張繼聰決心一試，說：「但係我想試下。呢個係作為表演者，對觀眾嘅誠意，亦係每一次都要迫自己，好似演唱會主題「what's next」，下一步嘅新嘗試。」問到擅長跳舞的女兒可有提供意見，張繼聰說：「佢同佢啲同學跳得好勁，水準已經超越咗我。本意係想威俾個女睇，但而家發覺有難度。希望到時佢嚟睇，唔好令佢覺得尷尬，我會盡力跳！」

嘉賓方面，張繼聰透露邀請了兩位對他別具意義的歌手。一位是他圈中的年青好友，希望二人能在台上演出之餘，分享生活點滴；另一位則是樂壇前輩，更是他音樂啟蒙：「佢嘅音樂啟發咗我，細個喺演藝學院參加比賽，都係唱佢嘅歌。今次有機會邀請到佢，可以同真人一齊唱，係一個成就解鎖。」

• 日期：2026年4月9日（星期四）
• 時間：晚上8時
• 地點：麥花臣場館
• 票價：港幣 $899/$599（全座位）
• 公開售票：門票已於Cityline發售

（點新聞特約記者陳慧芳报道）