七師傅支援張致恒一家引爭議　雯雯為家庭辯護回應批評

【點新聞報道】七仙羽（七師傅）早前透露，在一次拍節目時認識了Steven（張致恒），對方表示有困難，而她擔憂4位小朋友的成長，所以給予對方一家6位數的援助，用作支付他們的房租、水電煤、以及小朋友的奶粉。報道引來網民熱議，許多人直斥Steven一家「無恥」，質疑他們一家既然有特殊需要的小朋友，為何不向社署申請援助，並希望七師傅「閂水喉」。

Steven的太太雯雯見到報道以後，在社交媒體發文回應稱，許多網民質疑自己一家為何不申請公屋，那是因為「香港有大把人排緊隊」而現在仍是負債纍纍，但並不代表「冇資格生存，冇資格繼續照顧好小朋友，冇資格開飯」。

雯雯更直指傳媒傷害了七師傅：「七師傅係一個善良既人，無論有幾多人比幾多壓力佢，每次我地有緊急既時候，佢係一定即刻救我哋，我哋一家都好幸運有佢仍然支持我哋，佢可以話係唯一一個仍然會救我哋嘅人，大家可以唔相信我地，可以繼續踏我哋，問心又唔係要你幫我哋，有需要傷害一個純粹只係想幫人既人咩？」

雯雯表示為了不想影響小朋友，已經努力控制自己情緒，亦沒有再出現喺公開平台「但我不能關平台，因為我仍然有欠大家錢，不能消失。世界有人相信自己，亦有人不相信自己，好多嘢越解釋越出聲，大家就會更加多話題，但我哋每一日只係想繼續努力照顧好小朋友，都唔可以嗎？我哋衰就一早衰咗，小朋友仲咁細，我哋真係可以一句放棄就離開？」