歳月如歌｜重遇導師陳潔靈　MC一事感悔意

娛樂 2026.03.13 23:00:14
MC多謝陳潔靈當年愛戴。

【點新聞報道】HOY 77大型音樂企劃《歲月如歌》現正熱播，兩代歌手MC張天賦、岑寧兒及尹光日前現身作嘉賓。

尹光近年出新歌，改變他的演唱生涯。

其中以選秀出身的MC就在節目中，重遇當年選秀節目的導師陳潔靈：「當年佢係我哋嗰組嘅導師，佢係掌握我哋所有嘢，佢係我哋嘅大佬！佢決定邊個留低！邊個淘汰！好多謝佢一直愛戴我，保護我，我哋都好多年冇見，今次重遇返係好開心，仲好有親切感，另外Miss Chan Chan同我哋都有個約定，有一日佢開演唱會，會請我哋做嘉賓！點知我自己開演唱會嘅時候，我大意到唔記得請佢做嘉賓！我要即刻返公司再討論下呢件事！」

陳潔靈任導師要求高。

前輩尹光於2023年就作出新嘗試，推出一首「Dear Myself」，非常驚喜。光哥都覺得好開心：「呢首歌非常之受歡迎，仲上到叱咤5強，真係好開心！其實呢首歌都改變咗我嘅歌唱生涯，因為我唔識得唱咁抒情咁柔嘅歌曲，你知啦，我之前唱嗰啲都係輕鬆、諧趣、Rap嘅歌曲嚟㗎嘛！呢隻歌絕對係一個考驗！」

（點新聞特約記者陳惠芳報道）