兩賊夾公仔店撬唱錢機偷2.5萬　屬慣犯「連樣都唔遮」

【點新聞報道】藍田一間夾公仔機店發生盜竊案，從店舖閉路電視片段可見，兩名賊人撬開唱錢機的鎖，盜去約2.5萬元現金。手法純熟，其中一人更沒有戴上口罩和手套，大模廝樣地作案。據悉，兩賊人曾於葵涌及新蒲崗的夾公仔店以相同手法犯案。

遇竊夾公仔舖位於藍田匯景商場5樓，店舖負責人在社交平台threads發文表示，「尋人啟事，竟然咁猖狂，連樣都唔遮，有冇人識佢」，又指兩賊原來是慣犯，「上個月已經去過新蒲崗同埋葵廣爆格，又係唔點遮樣」。

從店舖上載的閉路電視片段可見，兩名男子闖入夾公仔店，其中一人穿黑色連帽衫，戴口罩、手套作遮掩；另外一人則連樣都唔遮，肆無忌憚用士巴拿撬開唱錢機的紙幣箱。兩人然後偷去大疊現金及裝載現金的膠盒，期間因袋子不夠大，一邊偷錢一邊說「放唔到入去嘅！」，其後拆開膠盒取出現金，才將所有現金放入袋內，全程被店內的閉路電視拍下。

警方表示，昨日（12日）早上11時36分，接獲匯景商場一名男子報案，指5樓一間夾公仔店舖的唱錢機疑遭人破壞。警員接報到場，發現涉事唱錢機有被撬痕跡，約2.5萬元現金被盜去。翻查閉路電視後，發現凌晨有兩名男子用士巴拿撬開唱錢機偷走機內現金，案件列作「盜竊」，交由觀塘警區刑事調查隊第3隊跟進。