楊千嬅北京踏雪唱新歌　談心境轉變：不願作品淪產品

【點新聞報道】楊千嬅日前接受黎莉主持的《勁爆樂勢力》節目訪問，首度為全新作品《不知從何說起》及《回歸一塊小石頭》作宣傳，同時分享即將舉行的《Live MY LIVE 1.0 世界巡迴演唱會》背後的故事。千嬅更自揭有「拖延症」，坦言現階段做音樂寧願忠於內心感受，而不是追逐時間表。

千嬅透露這兩首作品早於一兩年前已完成錄音，卻延至現在才正式派台，全因自己的「拖延症」作祟。她解釋：「中間因為編曲想再調整、演繹上又未夠滿意想重唱，加上當時忙住搞演唱會，來來回回就拖咗好長時間。」她直言這幾年做音樂的心態已有所轉變：「我真係好唔想因為Deadline，令到作品淪為一件產品。到咗依家呢個階段，我更想記錄當下嘅心情，主要係跟隨內心嘅節奏；搵到一首真正代表自己想表達嘅歌曲，比趕時間表重要得多。」

千嬅指通過《回歸一塊小石頭》感受到自己的變化：「原來以前係咁唔快樂，依家呢個版本開心好多。最近重聽以前嘅錄音，先發現嗰啲作品真係好有意思。」而下月舉行的《Live MY LIVE 1.0 世界巡迴演唱會》，千嬅解釋命名為「1.0」的緣由是因為完成上一輪巡演後，一直期待重返香港紅館開騷，轉眼間已相隔七、八年，這段「流浪」的日子讓她有機會從零開始。「當時感到好無助，但從零開始嘅過程入面，我發現原來可以咁樣重新訓練自己。嗰個零嘅起點，好多時候係觀眾畀我信心，冇觀眾，我做唔到呢個演唱會，搵唔到適合嘅音樂，亦搵唔到自己。係一場又一場嘅演出，唱返自己嘅心態同初衷，先令我重新搵返方向。」

千嬅更分享早前在北京為演唱會宣傳時，現場演繹《回歸一塊小石頭》的難忘經歷。當時天氣驟變下起雪來，她在戶外唱着廣東歌，感觸良多：「能夠喺一個歷史文化悠久嘅地方，唱住一首全新廣東歌，我覺得好有意思。嗰一刻我真係好似經歷咗歌詞入面嘅秋冬，特別有感覺。」千嬅形容站在舞台上最快樂的不是自己有多厲害，而是團隊一起令事情變得美好。

（點新聞特約記者陳惠芳報道）