筲箕灣站怪漢出沒　騷擾13歲女生涉遊蕩被捕

【點新聞報道】女生注意！警方前日接獲一名13歲少女報案，指她在本月3日下午於港鐵筲箕灣站內被一名男子騷擾。警員經調查後，鎖定該名人士的身份，當晚在柴灣區以涉嫌「遊蕩」拘捕一名48歲男子，他現正被扣留調查。

該名女學生在社交平台threads發文憶述事發經過，指3月3日下午放學後，在筲箕灣港鐵站D出口擬入閘時，一名着運動服裝的男子突走近，「好細聲挨過來同我講：『妹妹啊，我個女來咗月經啊』，然之後我以為佢想同我借M巾（衞生巾）啦，我就話我有M巾可以借畀佢，結果佢突然拉住我個袋，想拉我去其他地方」。

女事主立即提高警覺，「我細佬同啲friend企喺後面，我就畀咗佢哋個眼色，然之後佢哋就同我講咗幾句嘢，個男人就話『你哋係一齊㗎』，我就話係一齊嘅，結果佢就鬆咗手話佢去問其他人。嚇死我呀，同埋佢個女都唔喺隔籬，點知佢講啲嘢係咪真？」。

女事主其後在留言區補充，「希望講出來可以讓大家多注意一點」，並指事發位置為港鐵筲箕灣站D出入口，該可疑男子年約40、50歲，穿着運動服裝。