的士車頭手機播片睇性感女　港媽怒轟「我唔想死住呀」

【點新聞報道】分心駕駛極危險！近日發現有港媽分享其乘的士的經歷，指年邁的士司機在車頭放置智能手機播放性感女郎的片段，掛住望部手機唔睇路，怒斥「佢想死，我唔想死住呀」。

有港媽日前在社交平台發文表示，與3歲半女兒乘搭的士期間，發現年邁的男司機不時觀看車頭的手機螢幕，當樓主拉近鏡頭查看時，發現原來是在影音平台觀看性感女郎的短片，「阿伯可唔可以返屋企先睇，如果乘客係阿叔，可能會同你一齊happy together，可惜我係一個帶住3歲半女嘅既女人，我唔識欣賞」。

樓主怒轟司機罔顧駕駛安全，「同埋可唔可以唔好揸車係咁望住部電話，好危險！！」最誇張的是，當交通燈號轉為綠燈時，司機需要樓主提醒才開車，「重點中嘅重點，係佢唔睇馬路情況，綠燈都要我提」，怒斥「佢想死，我唔想死住呀」。

帖文引來網民熱議，不少人鬧爆司機的行為，「咸濕阿伯揸的士」、「呢樣已經可以構成不小心駕駛或者危險駕駛」、「最憎呢啲司機。我會出聲叫佢熄咗佢」、「為自己條命仔，我就會即時出聲」、「建議直接報比運輸署。上來公審都只係圍爐，直接報上去扣分，可能牌都cut埋」。

有網民更表示曾坐過該司機的車，「我遇過呢位司機印象好深刻，睇手機睇到兜錯路，成程車都要扣好安全帶、捉實扶手、唔敢用手機，無試過坐車坐到咁驚啊」。另有網民分享類似經歷，「我以前都試過，搭的士時由機場入市區，司機只顧睇劇集」、「試過有個阿叔司機無裝手機支架，擺部電話喺副駕位，不時望下又想拎咁，入隧道嗰時夠膽死兩隻手拎住部電話覆wecha，忍唔住開聲『大佬，你想死啫我唔想死喎』，真係好Ｘ黐線」。