遺失耳機充電盒獲好心人奇招尋主 網民：好人好事有急才
【點新聞報道】日前有網民在網上分享暖心經歷，指自己不慎丟失耳機充電盒，遇好心人用膠袋綁在路邊欄桿上等待認領。帖文引發網民熱議，不少人大讚「好有愛」、「好人好事有急才」。
該網民於社交平台上傳照片，指「返到屋企發現個case（耳機充電盒）唔見咗」，隨即開啟查找功能「睇下喺邊」。事主發現「佢喺屋企附近，9秒9衝咗出去，一去到見到有好心人幫我綁咗佢喺路邊」。從事主上傳的相片中可見，一個黑色方形物件被疑似是紅色膠袋綁在路邊的欄桿上，而黑色方形物件則懸掛在欄桿下方。樓主推測，「佢應該係喺膠袋撕咗一忽落嚟綁住」。事主滿心感謝：「感謝好心人，祝你去廁所永遠有紙巾」。
帖文引發熱烈討論，網民大讚好心人，表示「落雨，仲要無濕到」、「好人有好報」、「最like呢種失物認領方法！唔明嗰啲失物谷，執到人嘢keep住話等物主見到聯絡，唔係人人都入呢啲谷㗎」、「好人好事有急才」、「正，做好事傳好心」、「香港人真係好有愛」、「呢類好人好事真係要出盡全力廣傳開去」、「唔單只係好人，仲要咁有急智! 可以咁快搵個顏色咁sharp嘅膠袋綁住，方便你即刻spot到,又可以防止d人順手牽羊!」
亦有不少網民祝願好心人，打趣道：「去廁所永遠有紙巾都唔夠，（仲）要加搭升降機永遠唔駛等」、「祝佢搭lift直上或直落到想去嗰層唔駛中間停」、「好好！祝好心人咪錶泊車都有位」、「上廁所都有廁紙，揸車都可以搵到車位，好人一生平安」。
