張致恒復出Jam歌獲力讚　唱完即撇趕返工搬雪櫃

【點新聞報道】藝人張致恒（Steven）與太太區燕雯（雯雯）一家六口長期財困，近年他已修心養性，轉做搬運工人，努力搵錢養家。近日他突然重拾歌手身份，在社交網上載唱歌片表示，「其實做傻仔有咩唔好啫？做傻仔都可以好幸福快樂㗎。」

張致恒早前曾在內地登台演出，他在台上唱昔日拍檔關智斌的名曲《眼紅館》，雖然台下觀眾反應不一，他仍落力表演。近日張致恒在社交平台發布一段唱歌影片，原來他獲歌手馬天佑邀請，翻唱對方新歌《一世人做一次傻仔》，字幕打出「其實做傻仔有咩唔好啫？做傻仔都可以好幸福快樂㗎。」片段中可見，張致恒手持收音咪落力獻唱，馬天佑站在一旁支持。

之後，張致恒望一望手錶，話「我夠鐘返工啦」，馬天佑隨即問「你而家喺邊度返工啊？」，張致恒回答「豐澤啊，我要去搬雪櫃啊」，並連忙除去外套，話「係啊，俾番件衫你先，走喇拜拜」。馬天佑則在帖文留「多謝你抽時間一齊jam!」。

片段一出即獲大批網民讚好，「好聽喎」、「歌聲好好聽，好爸爸努力工作，祝福你一家人健康快樂」、「好好聽，加油！仲有市場加油！」、「其實Steven唱歌都仲可以吖，希望佢多啲工作機會，人大咗經歷多啲會有改變嘅，希望佢可以得到正面支持同工作機會」、「 快啲boyz合體演唱會。期待」、「steven加油 ! 好懷念的青春Boy'z」。

不少網民留言為張致恒打氣，「 加油啊 !要爭氣 ! 唔好再俾人睇小」、「Steven 加油吧，專注照顧好家庭就係好男人」、「如果佢肯勤力養家，值得比機會」、「呢個post真心要讚 ! 人誰無過 過而能改，善莫大焉 」、「其實佢算負責任架啦，一個人養咁多個、希望佢努力生活啦」。

不少網民大讚兩人合作，「搬雪櫃真係笑咗，加上馬友個反應相當認真，好爆笑，正」、「同馬友一齊cover，感覺steven即將會有更多好事發生 ! ! !」、「馬友係一個好好好好嘅人」。張致恒亦有回覆：「主要係馬友首歌好聽，作曲好好作詞好好，原唱都唱得好好。」