（有片+多圖）獨家｜卡塔爾不眠18小時：港商親歷「導彈雨」
【點新聞報道】當地時間2月28日，美國和以色列對伊朗發動襲擊，伊朗其後對以色列予以回擊，並用導彈襲擊了美國在中東地區的多個軍事基地，其中卡塔爾遭到44枚導彈和8架無人機打擊。身在卡塔爾首都多哈的香港商人王浩仁，在當地從事石油和建築貿易已有7年，今日（3月1日）他接受點新聞獨家訪問。
「喂，你好。」話筒那頭傳來王先生的聲音，「係呀係呀，我而家用VPN打俾你。喺卡塔爾，微信電話同WhatsApp電話出於安全理由，都係封咗嘅，只可以我打出去，你打唔入嚟嘅。」電話來時，正是卡塔爾時間3月1日清晨6時，伊朗對以色列展開報復行動的第二天。
過去18個小時幾乎沒合過眼
前一天中午（2月28日）開始，伊朗向中東多個設有美軍基地的國家發動反擊，海灣地區受損嚴重，卡塔爾是其中之一。「由昨日中午12點左右就開始啦，」王先生回憶，「呢次已經係我喺卡塔爾七年嚟，經歷嘅第三次衝突，但最嚴重嘅一次。」他形容導彈像雨點一樣，一連串掉下來。據他介紹，卡塔爾自身的防空系統攔截了大部分，但仍有偏差。「無論公司還是屋企上空，都有導彈飛過。有兩個擊中咗美軍基地附近，仲有啲係攔截之後嘅碎片跌咗落民居，有市民受傷。」據悉，截至3月1日，卡塔爾共有16人在此事件中受傷。
過去18個小時，王先生說，他幾乎沒合過眼，「屋企人瞓咗，我一個人守夜。」他告訴記者，家人雖然和他一起在多哈，但並不特別恐慌。「我畀信心佢哋。因為我哋做生意，好了解每個國家嘅動向。伊朗同卡塔爾關係其實好好，當年卡塔爾俾鄰國封鎖嗰陣，係伊朗出手相助。所以伊朗今次主要係針對美軍基地，唔會故意傷害平民。」
他透露，卡塔爾當局透過手機向所有人發送緊急通知，包括遊客。「每一個人入到卡塔爾，佢哋個系統都可以偵測到你，會發信息去你手機，叫你留喺室內，搵防空洞或者停車場地庫嗰啲地方。」不過王先生表示，未有長期居住經驗的旅客未必知道防空洞的位置，但可以做到的是「遠離軍事基地」。
至於市面狀況，學校停課了，政府機構關了，私人企業也不再返工，航空公司暫停所有航班，領空被封鎖，預計停擺情況會維持到下周一（3月2日）。
為了穩定物價和物資供應，當地政府強制4間超市24小時營業，但街上幾乎沒人。王先生說，「本地人買米買油都係網購叫人送，自己唔出街，反而送貨嘅仲喺度跑。」在如今機場停擺的情況下，王先生除了少出門，其實避無可避，沒辦法獲得一張去其他地方的機票。
他補充，除了卡塔爾，巴林、科威特、沙特、約旦、阿布扎比、杜拜都受到襲擊。「仲有三個機場中咗導彈——杜拜機場、巴林機場、科威特機場。」即便是卡塔爾機場這樣未中彈火的空港設施，也中止了運作。王先生估計，未受損或受損不嚴重的機場，有機會兩日內恢復營運。
採訪進行了大概10分鐘，話筒裏突然傳來一陣急促的腳步聲，夾雜幾句英文對話。
「Sorry, wait a minute.」王先生說。
電話那頭一陣騷動，聽到王先生用英語對家人說，「still on going」。大約一分鐘後，他才重新拿起電話。
「唔好意思，附近又有動靜，屋企人去窗邊睇。」他解釋，「我哋住海邊，見到導彈喺上面飛來飛去。卡塔爾嘅防空系統會射導彈上去攔截，避免佢哋跌落嚟」。
這是我們通話中第一次被打斷。
「好似落雨，又好似放煙花」
點新聞記者問他，導彈來的時候是什麼景象。
「今次係一連串嘅導彈，好似落雨咁。」他說，「你望住天空，係好多好多導彈。然後防禦系統射上去攔截，喺屋企望出去，就好似放煙花一樣。」這種浪漫的比喻用來形容導彈，在此時呈現一種荒誕的精準，十分震懾人心。
作為石油貿易商，王先生不得不關心衝突對生意的影響。他冷靜分析，「霍爾木茲海峽被伊朗封咗，所有船期都入唔嚟，油價肯定要升。各行各業都會受影響。」數據顯示，全球約20%的海運石油（每日約1300至2000萬桶）及卡塔爾的大量液化天然氣經此運輸。
他坦言，「大家都在觀望。我直接對接油庫同政府。現在全球油價都在升，我哋都要跟住升，冇辦法。供應鏈嘅成本肯定大咗，對中國嘅買家嚟講，佢哋買貴咗，但呢個係全球現象，控制唔到。」
第二次被打斷是在我們聊到一半的時候。話筒那頭再次傳來警報聲和跑動聲。
「Sorry，我要去睇下。」王先生說。
「冇事，話攔截成功咗。」再次回來，他的聲音透出疲憊。王先生並補充，準備隨時落去地庫避難。如果再嚴重啲，可能要去其他避難所，「急救包、衫，所有嘢都要執齊。今次比以往兩次更加嚴重。」
在卡塔爾生活了7年，王先生對局勢有自己的理解。
「其實中東局勢好複雜，」他說，「以色列先攻擊伊朗，伊朗才報復。以色列又拉美國落水，之前美國殺咗伊朗好幾個高級領袖、官員、司令，伊朗一直喺度忍讓。兩年前我已經開始話，伊朗總有一日會做一個大規模嘅轟炸，鏟除所有美軍基地。」
他認為，伊朗是中東唯一有條件、有膽量這樣做的國家。「其他中東國家即便唔出面，但都會支持佢，因為以色列真係欺人太甚，加沙事件屠殺咗好多人，聯合國叫佢停佢唔停，完全係失控嘅狀態。」
「希望所有人平安」
採訪最後，王先生想對身處中東的中國同胞說幾句話：「希望大家盡量避開美軍基地同附近嘅設施、資產，遠離啲，盡量留喺屋企，等待當地政府嘅通知。每個人嘅手機都會收到緊急警報，要相信呢個系統。我哋喺呢度嘅所有華人，都有中國大使館嘅求助熱線，有救護車、報警嘅電話。暫時來講，呢度相對仲係比較安全嘅。」
電話掛斷後，通話時長顯示33分半，中間被打斷了兩次。
後來，王先生通過WhatsApp發來幾段他拍攝的影片。畫面裏，多哈的夜空被一道道火光劃破，遠處傳來沉悶的爆炸聲。
（點新聞記者周傾芫報道）
相關閱讀：
