慈雲山公屋戶疑棄有蝨床褥　鄰居貼告示警告：打畀房署扣你分

【點新聞報道】遇上無公德心鄰居，會令人很困擾。慈雲山慈正邨有住戶在升降機旁邊牆壁貼上手寫告示，怒指同層鄰居棄置「有蝨又污糟嘅床褥」，並警告「再係咁，一定打畀房署扣你分」。帖文引起網民熱議，「依家啲人自私自利，全冇公德心」、「新年流流搞啲咁嘅嘢」。

有網民在fb群組「公屋討論區」發文寫道：「慈雲山慈正邨」，並上載兩張照片，顯示有人在慈正邨某大廈升降機旁的牆壁貼上手寫告示。告示內容首句已是「請不要太自私」，繼而批評有同層住戶棄置有蝨又污糟的床褥，「前2日已經掉咗張有蝨又污糟嘅床褥出嚟，清潔姐姐已處理咗，現在又掉，啲蝨會周圍跳，你自己都受害」。告示續指，「加上新年每戶都清潔家居，請自重。大家都係XX樓，住咗咁多年，再係咁一定打俾房署扣你分」。

帖文引起不少網民共鳴，「我同層有個單位間屋應該有好多曱甴，佢掉出嚟啲垃圾有好多曱甴蛋同屍體架。有次仲要好多曱甴未死嘅，成個垃圾房都係曱甴。我忍唔住狂噴完殺蟲水，再叫保安call清潔即刻清走哂佢。我地同返嗰家人講，佢仲惡過你話邊個屋企冇曱甴喎」、「有時真係唔明，佢係咪同啲清潔工有仇呢，個膠袋，又漏水、又冇綁實，一路行，一路漏水跌曬啲嘢出嚟，都到個垃圾桶喇，就係唔齋落去，搞到啲水垃圾周圍係，淨係知道自己，屋企乾淨，等於啲人食煙，永遠就唔會喺自己屋企食 就走去你門口隔離食」。

不少網民要求追究責任，「建議立法裝CCTV，扣分！」、「check 吓呢幾日有冇單位送過床褥來就得！」、「知是誰請直接通知房署不用客氣，衰人要被收。」

根據房署屋邨管理扣分制，一旦發現有公屋住戶「放置任何雜物、財物或物品在屋邨公眾地方（包括但不限於屋邨內任何建築物內外的公用地方），造成阻塞或妨礙清潔工作」，初犯者會被書面警告1次，在2年警告有效期內如再犯，會被即時扣7分。