只限今日！$30食譚仔雞肉豆卜炸醬米線

【點新聞報道】譚仔雲南米線慶祝30周年，為答謝各位一路支持嘅譚仔迷，逢每月30號只需$30就可以嘆到一款「譚仔特選名物」，驚喜貫穿全年，每月會輪流推出不同譚仔人氣美食！

2月28日有30周年慶第二彈優惠，$30嘆「麻辣湯配雞肉豆卜炸醬米線」，麻辣湯選用二荊條、七星椒同子彈頭辣椒炮製，配搭三款最受歡迎嘅配料，有嫩滑嘅雞肉、嗦湯一流嘅豆卜，同埋惹味到忍唔住嘅炸醬。優惠只適用於堂食，不適用於手機外賣點餐服務。