移民講人系列｜移英男女婚外情爆煲　遭正室攤牌老公趕人

【點新聞報道】英國港人移民圈近日再爆桃色風波，矛頭直指沃靈頓（Warrington）被稱為「香港人村」的社區。據聞有一對各有家庭的男女，在工廠夜更工作期間擦出愛火。結果當然爆煲，男方正室知道後直接攤牌，決定離婚，男方仲順勢同女方一齊租住同一間屋，點知女方的老公上門想挽回，卻撞正佢哋前後腳出門口，頓時怒火爆發，最終兩個家庭都已經分居，甚至關係決裂。不少網民揶揄「現實比劇集更離奇」，有人更剝花生話期待後續發展。

近日有移英港人在社交平台發文講當地八卦，話最近Warrington 某工廠桃色風波又爆出一單超勁夜更桃色風波，叫大家要睇緊啲自己老公老婆。聽聞事件的男女主角各有家庭，「男有家室，女又有家庭。男方有個女Year5/6，女方有個仔year7/8」。兩人是由同事關係發展成婚外情，「一開始只係『同事關心』，之後變成『夜更拍檔』，再之後……就變成『全廠都聞到味』。其實公司好多同事早就估到，好多人都睇到有啲『唔尋常』嘅互動。基本上全部都知佢哋有路。」

帖文仲大爆兩人愛到目中無人，「仲有啲人講，未正式爆煲之前——佢哋成日喺停車場坐喺車尾箱傾偈，畫面已經唔似普通同事咁簡單。呢啲行為已經俾人同事放大鏡咁睇住」。女方仲同人講兩人是舊識再重逢，「女方仲同啲同事講，話佢哋『喺香港一早已經識』。個女人返工時扮到好靚，打扮得好精緻成日保持最好狀態出現。個男人就肥肥、光頭，平時低調，但一埋女方就特別多互動。人外形唔算高調，但存在感極強」。

紙包不住火，這段婚外情被雙方配偶發現，「女方老公聞到味，爆煲趕人；男方正室知道後直接攤牌，決定離婚」。因此，兩人就順勢一齊租住同一間屋，最誇張是該屋子有三間房，屋主自己一間，一間租俾女主角，一間俾男主角暫住，而呢兩個「房客」仲被人見到前後腳出門口。然而，最狗血一幕是「女方老公本來想挽回，點知撞正現場前後腳畫面，應該心死了。怒火爆發，執晒行李交俾屋主轉交比佢老婆。」

劇情真係一環扣一環，「家庭背景已經爆煲，正室知道、老公趕人、老公想挽回又撞正畫面……」，而家發展到兩個家庭受到影響，雙方都已經分居，甚至關係決裂。

事件引來一班「塘邊鶴」加把口，「你話佢哋有冇嘢？」「如果咁都純友誼……真係得當事人先知」、「係舊識重燃？」、「係日久生情？」。有人更剝花生話期待下一集會點發展，「兩人會公開承認？」、「定會各自重組生活？」。有人則感到可惜「好好地兩個家庭……最後竟然走到呢一步。」