多次合作拍劇　蔡潔陳瀅首次合體做騷

【點新聞報道】陳瀅和蔡潔在電視劇中多次合作，近期兩位女神攪攪新意思，她們將於4月25日晚上在澳門一同參與《Pillow Talk》，日前她倆專程現身影樓拍攝演出活動海報。二人拍攝時不論是姿態撩人的甫士，或是拿着枕頭嬉戲互打的玩樂感覺，都盡顯默契。

陳瀅和蔡潔表示很期待今次在舞台上的合作。蔡潔說：「我同陳瀅同公司咁耐，亦都試過同劇好多次，但我哋嘅對手戲次次都好少，之前一直都好期待喺戲劇上可以合作多啲，但冇諗過我哋第一次嘅深度合作係喺一個Show上面。」陳瀅補充道：「我覺得成個Concept對我哋嚟講係好新穎，所以我都幾Excited，而且今次好開心同蔡潔一齊，因為我同佢喺舞台上都冇乜經驗。」蔡潔笑說：「陳瀅妳可以自信啲，唔係冇乜，係冇經驗，我就做過一次演唱會嘉賓。」

陳瀅和蔡潔收到今次開騷邀請後，已經和製作團隊構思了很多不同環節，蔡潔續說：「我嘅歌單已經諗咗好耐，希望可以透過歌曲講多啲故事俾大家聽，不過如果大家有睇我13年嘅華姐選舉，就知道跳舞一定唔會係我負責。」成為跳舞擔當的陳瀅說：「幸好近期播放的《臥底嬌娃》有少少打底，跳舞應該可以處理到。」

（點新聞特約記者陳惠芳報道）