黃子華狂踩英國食物難食　嘆「搵食」艱難：我唔係詆毀

【點新聞報道】黃子華、鄭秀文主演賀歲片《夜王》票房不斷破香港電影史上紀錄，YouTube頻道「英倫爸爸」近日訪問了《夜王》團隊。在訪問中，黃子華被問及對英國的印象時，毫不客氣地直指英國的食物「真係幾難食」。

YouTube頻道「英倫爸爸」近日成功訪問了《夜王》幕前幕後團隊，包括黃子華、鄭秀文、導演吳煒倫、王丹妮和盧鎮業。在訪問中，黃子華被問及對英國的印象時，毫不客氣地直指英國的食物「真係真係...幾難食呀...啲嘢真係」。

雖然同場的鄭秀文持相反意見，表示「我鍾意喎，我鍾意食乾噌噌嗰啲嘢」，但黃子華直指「Fish and chips係最好食㗎喇」。他更分享自己曾吃到又貴又難吃的漢堡包，「我exactly食過嗰啲漢堡包，係全世界只有去英國先搵到，仲賣到成五、六鎊呀，好鬼貴喎」。

當被問到如果到英國謝票只准帶一樣東西會帶什麼時，黃子華毫不猶豫地選擇了即食麵，「如果我有一個即食麵，我覺得已經贏晒。」他憶述一次從英國到歐洲旅遊的淒慘經歷，「我試過有一次喺歐洲，由英國一路殺去歐洲，還去埋柏林，係一路上都很淒慘，沿途都冇嘢食，終於去到一間七流的越南舖，食咗碗粉，直情覺得有冇咁好食嘅嘢」。

他認為，即食麵的味道已勝過當地許多食物，「已經好好食㗎喇，如果你去到嗰啲地方」，並笑言「我唔係詆毀英國」，只是想表達即食麵是「Comfort food」。

黃子華言論引發網民熱議，「子華神講得都係啱，整體上都係難食」、「子華神中肯呀，係難食既嘢偏多」、「大部份英國基層食嘢都係好求其，早餐同lunch可以淨食薯片同埋朱古力，重有嗰個令人震驚嘅pot noodle」、「如果以法國、德國、奧地利比，英國d 嘢食真係又貴又差」「唔係差，係勁差」、「大多數都係難食又唔平係真，仲要食物質素係最下欄，超市餐飲既態度一句講晒食你唔死就得」。不過，亦有網民反指「英國要有錢先食到好嘢」、「連鎖店梗係難食，大把米芝蓮，睇你捨唔捨得比錢啫。」