移民講人｜移英港人被爆格賣慘　網民：爆爆吓就慣啦

【點新聞報道】日前有移英港人在社交平台大吐苦水，以「爆格噩夢真實經歷」為題分享遭入室盜竊的經歷，帖文引發熱烈討論。

該名移英港人在fb發文，無奈感嘆道：「啱啱經歷咗人生第一次爆格（burglary）」。其稱外出旅行回家後，發現家中後門玻璃破碎滿地，樓下並無異常，「以為係風吹」。直到事主看到睡房裏所有抽屜被翻箱倒櫃，才驚覺「我屋企俾人爆格！！」。

事主於6時45報警，直言「我手震到打唔到電話，但都要即刻報警」，警察近8時到。翌日，鑒證科上門掃指紋以及錄口供。事主提到「我屋企有Ring門鐘加CCTV，但賊人戴手套同口罩，有片都無用」。樓主呼籲，「所以唔好再以為『裝咗Cam就安全』，起碼要裝D嚇得到個賊嘅Security system，最好可以連到警署嗰D !!」

警察到場後向事主提供兩項建議，「1.垃圾桶唔好放近圍欄，賊會用嚟踩高跳入。2.加高圍欄Fence Trellis。」

最後事主再次呼籲，「拜託大家：英國真係唔再係你想像中咁安全」，並指賊人專門挑選寧靜、看似安全的社區作案。事主表示，「最心痛嘅唔係俾人偷，而係個屋企已經唔再安全。我真心希望我係最後一個在英港人經歷呢D衰嘢」。

帖文引發熱議，不少移英網民分享類似經歷，「我也俾人爆過，仲要係鄰居，一早估到，亦知道英國警察唔會做到乜嘢」、「有晒cctv俾警員都沒用，留多啲貴重物品單據喺屋企攞保險」、「我而家去旅行搭uber去機場唔會揀喺屋企門口上車」、「朋友住伯明翰一年俾人爆三次，英國賊仔真係好誇張」、「就算有人喺屋企一樣爆，我親戚試過」。

有網民嘲諷，「爆爆吓就慣㗎啦，住英國預咗應該係咁㗎啦~警察唔處理，你唔投訴佢，終於有投訴無門嘅感覺呢，Asian係噤（咁）上下」、「英國治安一向差」、「你以為仲住香港咩，爆爆吓你就慣㗎啦」、「條路自己揀，x街唔好喊」、「住香港成世，未有機會見識咩叫『老爆』，真係要感恩英國」。亦有網民質疑，「其實點解英國警察唔做嘢，呢啲同美國零元購條例一樣無罪嗎？」、「一小時警察先出現？」、「鑒證科第二日先嚟，咪係成晚唔可以掂間屋」。