一周星星｜張佳添讚肥媽「最靚」解窘　海兒曝擇偶標準需識打機

【點新聞報道】TVB娛樂訪談節目《一周星星》，今晚（22日）播出第11集，邀請到《中年好聲音4》一眾評審，包括肥媽（Maria Cordero）、周國豐、張佳添、海兒及谷婭溦，主持則由許文軒擔任。

《中4》五位評審在節目大爆私密趣事，火花四濺。「音樂女神」海兒一直是網民討論焦點，在「本尊Fact Check」問答環節中，一向被稱為「長明燈」的肥媽大爆塊板一落海兒就率先問：「（參賽者）係咪靚仔黎架？」海兒驚慌：「我無呀！」

而在「你問我答」環節，製作組找來車婉婉、周吉佩、譚輝智及趙浚承等，向一眾評審進行隔空「逼供」。其中趙浚承大膽向海兒提問：「海兒老師，到底有沒有男朋友？」更追問其擇偶條件。面對連番攻勢，海兒大方透露心目中的理想型：「一定要好善良，同埋最好就係鍾意打機。」原來女神私底下鍾意打機，相當反差萌，更笑稱「眼角無添Sir咁高」。

至於另一位評審添Sir（張佳添）的感情生活同樣備受關注。添Sir坦言自己已單身近十年：「因為我暫時未搵到一個由內到外我好理想嘅女朋友。」當被追問「邊個最靚」及「聲音誰最性感」時，添Sir靈機一觸，大聲回答：「肥媽係最靚！」引得全場爆笑，肥媽亦笑言：「我估唔到今時今日我竟然救到張佳添。」成功做了一次擋箭牌。

（點新聞特約記者陳惠芳報道）