「三兄弟」投資賀歲片票房報捷　梁烈唯謝票次次都喊

【點新聞報道】陳山聰、梁烈唯及林盛斌投資、製作及主演的馬來西亞賀歲電影《媽媽又要嫁》，踏入馬年即傳來好消息，自大年初一上映以來口碑票房雙雙報捷，票房衝破200萬令吉（約400萬港幣）大關，令「三兄弟」振奮不已。他們更馬不停蹄到不同戲院謝票。

唯唯這次更身兼編劇，對於得到大家的喜愛又笑中有淚，唯唯表示：「就是我寫這故事想要做到的，其實我好幾次的謝票，我在旁再睇，也會忍唔住喊！有這樣的票房，真係好感謝入埸睇的觀眾。」

山聰此行帶同太太、兒子Jaco及工人姐姐一同到大馬，當然第一時間讓他們入場捧自己場，太太跟Jaco都大讚套戲好睇，山聰問Jaco好唔好笑，Jaco答「有好笑啦」，山聰踢爆阿仔因為睇戲有爆谷食，所以睇得好開心，而工人姐姐都覺得套戲好好笑，所以山聰相信電影質素不錯。

提到新戲票房口碑雙報捷，山聰坦言真的好開心，但他們「三兄弟」未敢鬆懈，希望盡力跑宣傳謝票谷票房，山聰說：「要繼續衝衝衝，希望票房可以再升，其實有咁嘅成績同口碑已經好好，因為每次聽到觀眾讚套戲好好睇，已經係我哋今次拍呢套戲最大嘅回報！」

（點新聞特約記者陳惠芳報道）