（有片）林家謙贈手寫揮春讚「你太努力」　Jace深受感動強忍淚水

【點新聞報道】陳凱詠《JACE WORLD 演唱會2026》昨（19日）晚大年初三圓滿落幕。演唱會上，陳凱詠繼續施展渾身解數，以實力證明自己，緊接是昨晚焦點嘉賓林家謙出場，兩人合唱《想突然》，其間二人更即興跟隨節奏，默契十足地跳了一小段舞。

合唱過後，林家謙笑問：「點解初三會搵我嚟做嘉賓？」陳凱詠聞言即發揮搞笑本色回應：「我想搵你鬧交呀！今日我唔驚你，因為係我主場！」林家謙反擊：「但下一首歌係我主唱喎！」引得全場爆笑。在陳凱詠笑稱對方是前輩時，林家謙更毫不留情大爆：「我哋兩個係『1999』（出道）。」令陳凱詠連番否認，場面搞笑。

玩鬧過後，林家謙貫徹擔任演唱會嘉賓的傳統，花心思為陳凱詠準備了3張親手寫的揮春作為新年禮物。頭2張走搞笑風，寫有「Chan春常駐」「人人都JACE」，第三張則是「你太努力」。林家謙認真地說：「想你acknowledge（承認）吓你自己呢7年嘅努力，陳凱詠用咗我哋幾倍努力行到呢個場館，想你proud of（欣賞）你自己，承認自己太努力，所以大家俾多啲掌聲佢。」句句真摯誠懇的祝福，令原本笑個不停的陳凱詠瞬間眼泛淚光，直言被林家謙殺個措手不及，強忍淚水匆匆收下揮春，說要落台換衫，火速逃離舞台緩和情緒，留下林家謙在舞台。他揀選了充滿「過年味」的《你最紅》，一邊唱一邊環繞舞台收利是，過個肥年。

在唱畢《天生二品》後，陳凱詠感觸這是最後一場，並剖白自己的成長：「唉！今日係尾場，好想好想記住你哋每一個，原來開紅館係好唔容易。我天生唔鍾意比較，專注自己嘅嘢，天生算樂觀、有勇氣，但人愈來愈大，好似《天生二品》歌詞內容，能夠保持自己真我、自己性格，真係好唔容易，所以我好幸福，因為有屋企人……我今日諗咗好耐，盡量叫自己冷靜，但係都最後一日，下次紅館要等幾時。」說罷隨即哽咽拭淚。

台下歌迷見狀紛紛高呼「加場」，陳凱詠即時破涕為笑，率真回應：「賣唔曬點算呀！」臨近尾聲，金馬影后鍾雪瑩驚喜現身encore環節，兩人合唱了《Sigue Haciendo時機已到》，這首歌亦是由陳凱詠與鍾雪瑩共同填詞的作品，鍾雪瑩的Rap贏得全場歡呼。鍾雪瑩唱畢未有發言向觀眾揮手後即降回台下。事後陳凱詠承認鍾雪瑩是一位被演戲耽誤的Rapper，問到二人將來會否合作出歌，陳凱詠說：「以前我哋一齊創作咗好多歌，有諗過推出，不過佢依家電影工作太忙，都冇再諗。」

陳凱詠不捨演唱會，觀眾一樣不想離開！演唱會落幕後，一半觀眾久久不肯離去，「Encore」聲此起彼伏，最終成功呼喚陳凱詠再度上台。寵粉的陳凱詠即場清唱了半首《蟠HOLD ME TIGHT》以及一曲《I WISH》。唱畢後她再次深深鞠躬道別。

（點新聞特約記者陳惠芳報道）