港男呻派利是畀小孩似「囈契弟」 網民：唔係錢銀問題係基本禮貌
【點新聞報道】近日有港男在網上發文抱怨，指發覺現在的小朋友完全不在意派利是錢，反而像小朋友被迫收利是，帖文引發熱議。
該名90後港男於社交平台發問「大家有無發覺而家d細路（親戚的小朋友）完全唔在意你派利是，好似係我迫佢收咁」，他更無奈直言「我覺得有種跪地囈契弟的感覺」。港男續指，「即係派畀親戚啲細路都係一百幾十，唔係話咩錢，但係囈佢要嗰下個心覺得唔舒服」。
帖文掀起熱議，有不少網民表示深有同感，「今年第一年派，真係塞畀啲細路仔，有啲連接利是都唔識接」、「試過派完畀親戚小朋友之後，多謝都無句就行開咗」、「超憎。派畀親戚細路，個個懶洋洋咁，唔想拎就算啦......」。有網民表示，「咪慳番（返），唔埋嚟講句好說話都唔會派。唔係錢銀問題（係）基本禮貌」、「講真，作為一個九十後老嘢我都唔想派畀d無禮貌細路，寧願出去派畀d清潔工好過」。
另有網民則認為，「以前物質無咁豐富，買玩具，買零食靠呢鋪，而家無咁重要，反正平時都有零用錢」、「物質豐富咗係咁」、「今時今日夠膽生仔嘅，非富則貴啦，人哋零用錢多過你封利是」、「我覺得係時代唔同咗，今時今日細路都係要乜有乜，唔志在利是錢」、「我兩個仔、6歲（同）8歲，已經過一皮嘢HKD身家。仲有日元、台幣、美金未計，全部都係d親友過時過節畀嘅，點會仲差新年嗰一千幾百蚊利是」、「因為而家利是錢追唔上物價，叫爸爸媽咪買就得......」。
