瑪麗義工織冷帽迎「馬寶」　暖心祝福留院初生嬰

【點新聞報道】馬年新春，瑪麗醫院聯合義工與醫護團隊，為新年期間仍需留院的新生寶寶，精心打造肖馬造型編織嬰兒帽、寶寶姓名專屬揮春等充滿心意的新年禮物，將溫暖與祝福送進病房，讓留院的馬年寶寶，感受滿滿的新春暖意，以及來自醫院的溫柔守護。

瑪麗通訊在社交平台分享一段「瑪麗馬年迎馬寶」影片，指呢啲帽仔由病人資源中心義工人手編織，每頂都承載住滿滿愛心，送畀喺瑪麗醫院出世嘅馬年寶寶。冷帽唔止係裝飾，仲可以幫啱啱出世嘅BB保暖，陪住佢哋第一時間同媽媽抱抱。

瑪麗醫院婦產科病房經理陳曉彤表示，「帽仔是非常之緊要，因為BB一出世比較容易失體溫，戴住帽仔加暖巾，可以幫助BB成功同媽媽做肌膚接觸，幫助穩定BB的血糖、體溫、情緒及心跳，成功餵母乳機會更高。」帽仔由義工全人手製作，一針一線送上愛心，醫院病人資源中心義工Joyce表示，「喺產房入面過年，係好開心！我一路織嘅時候，個心都有諗，祝福BB健康成長，快高長大，身體健康！」

除了嬰兒帽，瑪麗醫院兒童及青少年科副顧問醫生蘇文庭，多年來堅持以寶寶姓名為句首，創作專屬對聯，贈與初生寶寶及其家庭。熱愛文字創作的他表示，「無論父母長輩定師傅幫BB改名，通常都係想祝福BB，畀最好嘅嘢佢哋。我作為兒科醫生，醫治過唔少早產嬰兒，而我自己亦鍾意文字創作，於是我就諗到用BB嘅名去幫佢哋寫一啲對聯」。他將這些對聯放在育嬰箱旁邊，希望他們都感受到新年新希望，早日出院返屋企。