巴士男子用蝴蝶蘭盆栽霸位　囂稱「有人開聲先算」惹公憤

【點新聞報道】臨近農曆新年，不少人都會購買蘭花擺放在家中為增添幾分喜慶的氛圍！有網民日前搭巴士時遇自私男子用蝴蝶蘭盆栽及雜物等東西霸位，故發文公審。

該網民於網上發文及上載相片，直言「優質公民，女士嘅朋友開聲叫佢拎開盆花，位男士話有人開聲先算」，緊接着樓主表示「連隔離位婆婆都擰晒頭，年輕人我仲有腳力企下，唔阻你盆花休息了」。從樓主上傳的相片可見，該男子坐在巴士對頭位上，男子腿部中間夾着一盆年桔盆栽，其身旁的座位上堆滿了背包等雜物，男子正對面的座位上則擺放着一盆蝴蝶蘭。樓主揶揄，「位男士話有人開聲先算，即係都冇打算會郁」。

許多網民看完該帖文後，紛紛留言表示「咁X串俾我就一嘢掃落地」、「佢包咗個4人位」、「買咁多，唔該搭的士啦」、「講句唔該，之後照坐。 座位要嚟坐（嘅）唔係俾佢哋咁擺嘢」、「呢啲情況真係好想有個窮凶極惡嘅阿叔上車坐喺佢哋隔籬！」、「咁pk，巴士司機唔應該俾他們上車」、「冇人夠膽即刻開聲，唔該攞開你啲雜物我要坐，麻煩你啊唔該。 我感到奇怪，佢哋點解可以攞到咁多嘢上車，即是車長有問題?  」、「桔同花都買得。坐的士啦。自私精」、「如果俾我見到咁，我會第一時間攞起盆花，大大聲同司機講有人漏咗袋嘢喺車，然後攞去前面司機位旁邊放喺地下……」「有位都會坐埋去，迫X佢拎住，俾一份錢，又運貨又坐人，XXXX，唔讓就一腳踩落d桔度。唔X洗俾面，佢d桔無俾錢搭車」