（有片）告別鏽跡！大澳棚屋換新裝　八旬獨居伯伯：屋企靚咗好開心

【點新聞報道】一排五彩繽紛的水上棚屋倒映在水道之中，為素有「東方威尼斯」之稱的大澳漁村，添上一抹活力色彩。首階段的美化計劃，共為五間鐵皮棚屋換上藍、紫、黃、綠等新裝。有別於一般油漆，這次採用的具備防水與隔熱功能，既美觀又實用。今日（14日）的感謝儀式上，一眾參與機構包括贊助商Dulux、香港紅十字會、消防處、懲教署、大澳義工隊等的義工聚首一堂，接受由大澳鄉事委員會主席何紹基、新社聯離島地區委員會主席祝慶台頒發的感謝狀。

88歲梁伯伯：以前自己油白色　今次有後生幫手，靚好多！

現年88歲、1938年出生的梁伯伯，多年來獨居於棚屋，子女不在身邊。他以往曾自行將外牆淋上白漆，但面對風吹雨打，難免變得陳舊。「今次班後生義工好好，好有心，幫我油到間屋咁靚。依家成日有遊客喺新基橋上面影相，話好靚，我見到都開心！」

從「生銹溶溶爛爛」到「打卡熱點」

大澳鄉事委員會主席何紹基坦言，計劃得以落實，全靠各方支援。新社聯離島地區委員會主席祝慶台則分享了計劃背後的故事。「我同基哥成日諗，點樣可以令大澳靚啲？見到好多棚屋日曬雨淋，生銹溶溶爛爛，喺新基橋望過去真係唔係幾好睇。老人家想油但冇人手，好彩搵到Dulux咁有心贊助油漆。」他指，最大的挑戰是遊說居民同意。「試過搵一位接近100歲嘅獨居長者，佢最初話『唔使唔使，我咁樣就得㗎啦』，後來我哋解釋完，又話搵義工幫手，佢先放心。見到完工後佢哋咁開心，乜都值得。」

他又提到，此次計劃只是一個起點。「大澳有成五百間屋，好多都係長者住。今次呢五間只係開始，我哋希望未來可以幫更多老人家翻新房屋，等佢哋住得舒服，同時令大澳變得更靚，吸引多啲遊客，帶動經濟。」

贊助商Dulux代表表示，提供的油漆除色彩鮮艷外，更具防鏽隔熱功能，適合大澳環境。而顏色則由居民親自挑選，真正做到以居民為本。

（點新聞記者周傾芫報道）