移民講人系列｜移英港女鬧爆英國偽善　擺明搵香港人笨七

【點新聞報道】話說英國政府一方面醞釀收緊移民政策，但近日又同時間放寬BNO資格，有移民港女鬧爆「英國人的偽善行為真的很可笑」、「擺明搵香港人笨七」。

許多即將符合資格的BNO港人，眼看英國政府擬收緊移民政策，令他們自覺成為受害者，反之非法入境尋求庇護的難民就享有支援。該名移英港女在社交平台threads發文，直斥英國人的偽善行為真的很可笑，指「身邊認識的伊朗難民嚟英第二年就有本英國護照，個個月都有1300鎊救濟金，另外仲有900租金補貼」。

樓主不滿英國政府差別待遇，「反觀香港人，咩都無，仲要最少交三年稅要求，又要考B2，擺明搵香港人笨七」，更怒指當香港人是「水魚」。

對於有網民質疑是難民旅遊證件，「個本相信係難民旅遊證件 唔係護照嚟，另外佢應該係攞400鎊UC加900鎊租津，加埋一個月1300鎊」。樓主反駁指，「他那本是如假包換的英國護照，1300生活費+900鎊租金補貼，總共2200鎊」、「佢真係show佢本英國護照俾我睇」。

另有網民亦有同感，「我都有巴基斯坦同事係咁，佢話英國好好，乜都肯俾佢，佢應該唔會再返巴基斯坦，所以而家咪咁多穆斯林囉 !」有網民留言自嘲「水魚係香港特產。」