移民講人系列｜港男欲移英憂無工開難租樓　陷燒錢循環

【點新聞報道】移民是一件非常燒錢的事情，有港男在網上發文話，打算獨自去英國開展新生活，希望到埗後先搵工再租樓咁話。不過，由於英國不少工作需要求職者有固定住所才能聘用，令他擔心會陷入租樓搵工的兩難循環。

該名港男在社交平台threads發文自我介紹是一名99年，BNO二代，話決定離開香港，獨自去英國開展新生活。而全副身家大約90多萬元，包括25萬港幣現金，及70萬股票同定期。樓主預計到埗後先安頓再考車牌，「目標係喺 Warrington Central 搵一間 £900 以下包埋雜費嘅HMO。預計頭半年至九個月咩都做，先適應當地生活同埋止血，之後部署考 Class 1 CE 牌、CPC 同 ADR，目標係做HGV driver。」

不過，在英國搵工困難，想要租樓也寸步難行，樓主擔心會陷入惡性循環，「我而家最驚嘅唔係錢幾時使晒，而係新法例下冇得預繳租金，我又冇UK credit score同reference，好擔心到時搵唔到屋」，至於價格偏貴的Airbnb、酒店更加唔使諗喎。

有網民就留言勸退樓主，「唔知你係香港嘅情況，但如果香港搵到食真心建議唔好過嚟」、「生活咗喺度5年幾，唔建議嚟英國，簡單講，5年前初到貴境，覺得好多機會，到依家淨係見到越嚟越差，冇將來，如果你話嚟讀翻個degree或者master，再返香港搵工，可能仲有多啲機會，你有積蓄，真係唔好浪費錢喺呢個濕蕉國家」、「真，英國差咗好多了，唔好諗有咩起色」。

有網民則奉勸樓主要遠離香港移民圈，「盡量離開聲稱香港人幫香港人，大部分都係中招居多」，樓主亦有所耳聞，回覆指「好多人都係咁講『唔熟唔食』呢句係真？我唔怕辛苦，喺香港都辛苦慣，就係驚俾人利用剝削」。