維園年宵檔主隔空傳話　義助學生獲網民激讚

【點新聞報道】維園年宵市場昨日（11日）開鑼，一眾檔主連日忙於打點做好開檔準備，其中有乾貨檔主在網上發文，向毗鄰學生檔口隔空傳話，送上用剩的物資藍白間條尼龍布，窩心舉措獲網民大讚好有愛，直言「守望相助！」、「遠親不如近鄰」。

有維園年宵檔主近日在社交平台threads發文，向隔鄰1X2號檔隔空傳話，送上用剩的尼龍布並留言：「維園年宵1X2你好，我們是1X1，我們的尼龍布有多，剪了一塊給你們收檔的時候用，鐵線留了在竹棚。」樓主還為對方打氣說：「祝貨如輪轉」，最後更加上「#有時你幫吓我」及「#有時我幫吓你」的標籤。

樓主其後再發文解釋背後用意，原來1X2號檔乃由一班學生所經營：「大家有所不知，因為1X2係學生檔，今朝見到佢哋阿Sir，傾咗幾句但係無問係邊間學校。」樓主因而伸出援手，並搞笑地說：「但我哋有問點解唔係Miss嚟。」

帖文引起網民熱議，大讚樓主「慷慨」、「有愛」外，有人直言「守望相助！祝你哋生意興隆財源廣進」、「遠親不如近鄰，祝大家生意興隆」，有女網民欲以實際行動撐樓主：「多謝你哋對班學生嘅慷慨，下星期去維園支持吓先」，獲樓主幽默回應：「你就係1X2班學生嘅Miss？我等你。」有網民則打趣問「有冇折頭先？」，樓主回覆稱：「嚟到我哋維園1X1年宵，同我哋檔口職員講暗號『我係你老豆』，你就會有特別優惠！」。

帖文更意外引發其他檔主前來報到甚至求助，「唔好意思啊，我係維園1X8，我哋都想要尼龍布，你哋會唔會有多都可以畀我？」，樓主婉拒對方指因尼龍布一開二已所剩無多，「sorry老闆，剛剛好一開二適合兩個細乾貨檔口，所以我哋都無多了」，樓主亦不忘提醒：「呢兩日都幾大風，記得要預備多幾個沙包呀！祝你好生意！」盡顯守望相助的精神。