（有片）蔡一傑生日筵開22席　送私人珍藏皆大歡喜

【點新聞報道】草蜢蔡一傑昨日（6日）59歲生日，前晚他在九龍城的酒樓筵開22席，與大約300位歌迷舉行生日晚宴。寵粉傑少出動私夥珍藏Labubu做抽獎禮物。而幸運大獎，由全場合資，一注獨得近港幣6千元現金獎。傑少生日願望：「祝大家身體健康！」Fans起鬨「加場！加場！」他表示爭取4月紅館「THREE IN LOVE草蜢演唱會2026」加場。

生日會開始，穿着紅色上衣的傑少風騷出場，高呼：「我返咗嚟啦！大家好嗎？祝大家新年快樂，身體健康，今晚玩得開心、食得健康！」Fans尖叫與歡呼，一同高舉印有傑少靚仔樣的揮春，齊聲恭賀「生日快樂，福星拱照，身體健康，演唱會大賣」，傑少與全場Fans大合照。開席後立即玩熱身遊戲，Fans透過盲抽歌詞小卡對應傑少手上的歌名，贏得他精心挑選的珍藏Labubu，全場嘩聲四起。

傑少最近愛上打麻將，Fans特別設計一款遊戲，每組16位Fans上台抽麻雀紙牌，數字最大三位得大利是。之後Fans推出「59」字樣的生日蛋糕，全場大合唱生日歌，為了參加偶像的生日會，有美國、韓國、日本、中國台灣、中國內地和馬來西亞等Fans專程來港，甚至即日來回，生日會後趕去機場，傑少非常感動。他說：「韓國嗰位Fans跟咗我差唔多26、27年，真係好耐。佢哋以前會喺電台等我，見返啲舊面孔好開心。今日都有好多阿梅（已故師傅梅艷芳）嘅歌迷嚟咗，我覺得好開心，因為我哋識咗好耐。」

傑少幾乎每年都會與Fans慶祝生日，去年因接受開腦手術沒有搞生日會，他說：「我上次開生日會係兩年前，而家兩年後又唔同咗，我加咗新嘅Chips，全新面貌，我覺得更加開心。做人一定要開心，要愛自己！」fans送的禮物很有心思，傑少好開心。

（點新聞特約記者陳惠芳報道）