（有片）夜王｜《星秀傳說》重新錄　Sammi獲17位主創伴唱high到爆

【點新聞報道】天后鄭秀文（Sammi）日前為賀歲片《夜王》，率領王丹妮（Louise）、廖子妤（Fish）、楊偉倫（阿卵）、何啟華（阿Dee）、楊偲泳（Renci）、譚旻萱（Mandy）、李芯駖（Sumling）和廖穎琛（Iris）等17位電影主創，重新走入錄音室，為Sammi經典快歌《星秀傳說》重新錄音兼拍MV。眾女星性感亮相，在布置了mirror ball、搖晃大量彩色射燈的disco狂舞，hot爆！

Sammi表示今次新版《星秀傳說》，構思來自電影導演兼編劇吳煒倫。Sammi說：「今日為電影歌曲錄音同埋拍MV，呢個idea來自導演，佢搵返我好多年前嘅歌放入電影，呢首歌好啱電影講嘅時代背景。當導演有呢個order時，我就諗可以加啲Rap上去，難得有阿卵，佢以前有隊『朱凌凌』，同埋阿Dee喺度，由佢兩位負責Rap部分。有Fish、Mandy同Louise等15個女仔一齊唱，呢首《星秀傳說》2026年最新版本，專登為呢部電影重新炮製。」

「Rap擔當」阿卵與Dee哥戴上黑超、穿上毛毛大衣，造型感十足，還滿口九唔搭八英語扮Rapper巨星，一時話「I Love Hong Kong」，一時又話食蛋撻、雞蛋仔、菠蘿油，全場捧腹大笑，炒熱氣氛。Sammi亦以「V姐」身份強勢登場，帶領眾囡囡落力勁舞。過往在螢幕前冷艷的Louise亦變得活潑熱情，她最初以為在錄音室戴耳機拍攝，想不到現場布置成disco，她笑言：「我瘋狂聽呢首歌，好期待MV。」

雖然電影已煞科了一段時間，但Sammi到場見到班囡囡，仍能準確地說出她們的真實名字，她說：「無論拍戲嘅時候，今日錄歌拍MV都好有團隊精神，最重要嘅靈魂人物『歡哥』黃子華，雖然佢今日無拍MV，但佢嘅精神與我哋同在，respect！」

（點新聞特約記者陳惠芳報道）