日本著名拉麵店店員嘲笑海外食客　港人反感：好想嘔 食唔落口

【點新聞報道】餐廳服務態度對食客體驗有決定性影響，有港人食客於網上發文公審日本東京一間著名拉麵店，指店內有3名店員煮麵時，非非常大聲地嘲笑海外遊客，「入過店嘅外國人都冇一倖免」，就連1名日本食客離開後也被嘲笑說話方式。

該名遊日港人在社交平台threads以「反大眾的好評，避雷餐廳！」為題發文，表示1月30日去了很多人推薦的1間拉麵店用餐，卻發現入面有三位店員的態度真係十分之差。樓主指自己聽得懂日文，「佢哋煮麵嘅時候，非常之大聲喺度嘲笑海外遊客講嘢方式，嘲笑人食麵方式，又會笑人着衫，同埋袋上面嘅飾物係公仔之類。入過店嘅外國人都冇一倖免，包括我自己。連1個當地日本人出去之後，都會笑佢說話方式」。

樓主直斥連基本禮貌都無，建議大家唔好去，「原本覺得該店食物不錯，但係聽到佢哋咁樣講嘢真係覺得好想嘔，食唔落口」，直斥「人哋聽唔明日文就可以咁大聲喺度笑人講人？我覺得呢種連基本禮貌都無，又唔識得尊重人嘅店，真係唔建議大家去」。

有同樣幫襯過拉麵店的網民留言指，「我諗返起月中去過食，確實係有三個男店員長期大聲講大聲笑，我哋差唔多食完，見有兩個外國人食完走先，人哋用日文講多謝，嗰三個店員答完多謝之後就三個大聲笑。開頭以為佢地自己笑自己人，但到我哋起身走，佢又係講完多謝，到我地踏出門口個下，又聽到佢地大聲講大聲笑，雖然聽唔明，但個感覺就係feel到奇怪」。

網民十分讚成留負評，「今日我應該目擊咗同一個情況，我唔識聽日文但喺廚房煮嘢嗰兩條友喺度嘲笑坐我隔離個鬼佬。十分讚成google負評佢！」、「我上次去都目擊同樣事情！！！！！店員會當住食客面笑食客同扮遊客講嘢，感覺非常差 」。

樓主回覆表示，「佢哋會笑人唔識講日文或者講得唔好，大約話啲音講得唔啱或者太長。就算大家講英文『thank you』，佢會笑住好似好有禮貌咁講返『thank you』， 之後用日文同隔籬嗰店員勁大聲講返又剩識講『thank you』，之後人哋臨走仲會扮個客講嗰句『thank you』，長短音一樣」。