尋秦記｜宣萱扭古天樂耳仔爆笑不斷　林峯承諾票房破億粉絲「逐個攬」

【點新聞報道】《尋秦記》上映期將橫跨新年，日前已累積至8400萬元票房。昨日（1月31日）古天樂同林峯、宣萱、郭羨妮等出席「尋秦記新春篇之齊齊穿越合皮扭耳見面會」，與現場近500名影迷粉絲見面互動，提早慶賀農曆新年。宣萱更配合主題大膽出手扭古天樂耳仔，更連續扭了兩次，引得全場大笑。

古天樂對宣萱扭耳仔不以為然，更笑言：「畀女仔扭耳仔？應該唔係第一個女仔咁做啦，第一個扭嘅肯定係阿媽啦！細個好百厭嘛！」宣萱則笑言出手扭耳仔並不爽快。

被問及電影破億時會否將粉絲「拖出去攬」，林峯笑言：「喺台灣嗰次宣傳攬咗㗎喇！如果仲有謝票場就睇睇啦！」古天樂建議多搞幾次見面會就逐個攬，林峯即時答應。

《尋秦記》電影版主題曲《天命最高》最近成為熱播歌曲，連黃百鳴亦在頻道「百鳴歌」裏cover演繹，古天樂表示有聽過百鳴哥的版本，稱讚指：「佢唱得好有自己嘅風格，OK㗎！」至於會否考慮與黃百鳴聯乘，古天樂則將責任推到宣萱身上：「同百鳴哥crossover呢單嘢，你真係問下佢（宣萱），妳同佢唱啦不如！」宣萱聞言隨即睜大雙眼、一臉不解，卻又應接得住：「我哋三個一齊同佢唱啦！」回應出乎各人意料，令古天樂亦只好表示：「好嘢！」

（點新聞特約記者陳惠芳報道）