港鐵車廂座位驚現發黃尿片 網民鬧爆邊個咁冇公德心
【點新聞報道】好嘔心！有港鐵乘客在網上發文表示，日前乘搭東鐵綫，一踏進車廂就見到其中一個座位上有塊用過的發黃尿片，鬧爆「究竟係邊個咁冇公德心」，更慘的是之後有女乘客「掛住爭位坐」，不小心就坐落尿片上。
有網民在社交平台threads發文表示，27日乘搭東鐵綫，一踏進車廂就見如此場面，「係邊個整的 我也沒有目擊到 」，並「再次強調返嗰樣嘢係尿片」，估計「應該係啲阿媽同BB換完尿片，就直接抌低咗」。
從其上載的相片可見，一塊用過、上面有黃色物體的尿片，被遺棄於近車門的座位上，而坐鄰座竟有一名青年在用手機，玻璃屏風的另一旁，也近一對男女乘客挨着睇手機。
帖文引起網民熱議，有人留言問樓主：「唔臭咩？仲坐喺附近？」樓主回覆稱，「平日習慣戴口罩，冇聞到味道，但係中途見到有個女士掛住爭位坐，唔小心就坐咗落去，慘」。有網民驚呼「Omg，條褲唔使要」，有疑似乘搭同一列車的網民稱「呢個位已經有兩個人不小心坐到咗」。
其他網民亦對事件感到嘩然，「隔籬啲人又坐得落嘅」、「我頭先搭東鐵先見到有座位有水，仲見過一大潭黃色液體，總之依家無公德心的人比以前多」、「東鐵特色唔意外」、「屎路一條」。
