夫婦女尊男卑飽受網民負評　謝安琪感謝方大同開解　張繼聰曾有尋短念頭

【點新聞報道】張繼聰與謝安琪（Kay）接受陳志雲主持電台節目訪問，大談入行後二人經歷高低起伏。二人更因Kay事業起步快，阿聰遭網民負評而令他們承受不少壓力。

謝安琪同張繼聰都於2005年出道，Kay提及兩夫婦因為受住外界負面標籤而感到辛苦，於是向另一位圈中好友方大同求助，希望由大同安慰張繼聰。Kay憶述方大同當時話「我都算係一個冇脾氣嘅人，但係我睇住你地承受嘅嘢，我都會嬲」。大同又表示如果自己是張繼聰，相信都會發癲。謝安琪記得方大同為他們打氣，認為阿聰同Kay能夠在艱難時候溫柔地對對方，已經做得好好，只是希望外界可以對他們仁慈一點，並應承會安慰張繼聰。阿聰說同謝安琪公布婚訊前壓力好大，試過做完TVB節目後開車回家時，打電話給方大同喊。

後來謝安琪亦受負面新聞影響，同張繼聰一同患上情緒病，二人更要一齊食藥，但起初阿聰並沒有俾太太知道。張繼聰提到後來要看精神科醫生，笑言以為醫生會好似《無間道》的陳慧琳，結果只是叫他填份問卷了解有何症狀，然後就叫他出去攞藥。阿聰話見到張賬單立即好返：「冇資格有呢個病喎」。張繼聰後來認真地剖白，平時甚少外出的謝安琪有一晚約人外出，留家的阿聰屋曾有尋短念頭，結果喊到睡了，第二日開始感到人生有所不同。其後阿聰透過睇書了解更多想法，並因為獲邀到TVB拍劇令事業有起色。

（點新聞特約記者陳惠芳報道）