移民講人系列｜移英港人呻錯買中製蒜頭　網民：你個頭都係made in china啦

【點新聞報道】有移英黃絲死性不改，借題發揮煽仇中，呃like蹭流量。近日有一名在社交平台教煮餸的移英港男，貼出一張在當地購買的一袋蒜頭相片，慘呻自己買咗中國製造的蒜頭喎，結果惹來大批網民圍剿。

一名移港男在fb開設專頁，用作互相交流英國飲食資訊，超市及街市食材，食譜分享。從其專頁個人簡介的相片，可見背景似在食肆廚房，樓主亦身穿廚師服，捧着一碟菜餚燦笑。而樓主日前發帖，寫道：「頂，一不留神，竟然買咗Made in China嘅蒜頭」，從其上載的相片可見，有一袋標示「Product of China」的蒜頭。

帖文旋即惹來大批網民圍剿，「忽上腦」、「睇你條傻仔揀最平嘅有冇錢買貴嘢又喺度bili bala」、「做中餐館，講中文，又要學人扮鬼佬，呢條友係咪思覺失調」、「以為自己寫了篇討拍文，誰知變成了被拍文，可憐的二等公民」、「剪咗中國香港特區護照未呀？唔好做兩頭蛇喎。」

網民留譏諷樓主扮清高，「去咗鷹角以為自己變咗白人」、「佢唔係西人，亦唔係扮西人，佢係正西人」、「就算你幾落力奶鬼佬鞋底，鬼佬只係認你中國人」、「唔好扮清高啦，你響英國人眼中，咪又係一個阿燦」、「本身係一個 made in China 嘅柒頭」、你老豆老母係唔係made in China?」。

中國為全球第一大出口國，有網民直指，「買到made in china 好正常，外國好多產品都係made in china」。不少網民揶揄樓主身體最誠實，「頂！你自己用緊部iphone都係made in China...」、「有冇檢查清楚你住緊建築材料，搭緊交通工具嘅parts，手機生產地，衣服原料係邊度嚟」、「咁你返屋企睇下將所有made in china嘅嘢dump晒佢，你就覺得自己間屋好大可能，你自己都要剝光豬」。