大坑道兩男童坐滑板衝斜路　「炒車」收場掀網民兩極反應

【點新聞報道】日前網上流傳一段影片，可見兩名男童被拍到共乘一塊滑板，於港島大坑道斜路極速俯衝，過程中充滿純真笑聲，不少網民看後笑言童年回憶返晒嚟，不過亦有人擔心造成危險，「撞到人就唔好啦」。

有網民在社交平台threads分享一段影片，可見兩名男童在大坑道近巴士站的一段長斜坡上，雙雙坐在一塊長形滑板上俯衝，滑板速度快得驚人，他們不斷發出興奮的尖叫聲，途人見狀紛紛閃避，最後失控「炒車」跌倒在地。

拍片者在車內拍到這驚險一幕，在帖文中笑稱「諗起細個住北區公園，推架單車喺斜路衝落嚟又推番上去好開心，一路等緊佢哋幾時炒車」。而影片末段顯示，兩名男童滑行至巴士站附近後「炒車」，當時有一名婆婆站在前方不遠處，樓主留言話「後尾炒咗車，有個阿婆係到笑佢哋，婆婆都超可愛～」。

影片曝光後，引起網民熱議，有人認為呢個先係真正的滑板精神，「一定有人話危險，但係童年就係要咁！」、「佢哋個笑容比乜都寶貴」、「炒一次，比人鬧一次，但開心一世」、「真！回憶係冇價！有時諗起係好開心 」、「一世都會記得」、「唔好框死啲小朋友，冇晒創造力」、「呢啲先叫童年，而家太多怪獸家長，咩都冇得玩 」。

不過，有網民則擔心造成危險，「低能，車L死就真係留喺快樂嘅童年。害到司機慘吖嘛」、「危險，撞到人就唔好啦」、「最驚係撞親老人家」、「喺馬路邊、條路都有人行就危險咗啲」。