渣馬｜MIRROR幾兄弟甩底　Alton獨自上陣10km

【點新聞報道】渣打馬拉松2026今日（18日）舉行，這次有不少藝人參加，其中Mirror成員王智德（Alton）以49分09秒完成10km賽事。問到是否滿意今日的成績，王智德表示：「衝線時間幾理想，49分鐘，自己嘅目標都係4字頭，要慶祝呀。（今朝有無食早餐？）都係一般跑手嘅準備，食下香蕉、麵包，飲水，主要是澱粉質。（呢個係咪你最好成績？）唔係我最好成績，以前有跑開，上年忽發奇想跑返，之前嘅成績都係4字頭，嗰時細個啲。我今日應該可以48分鐘完成。」

Alton又表示，最初有幾個Mirror的兄弟都想一起跑：「佢哋係有呢個諗法，但慢慢就得返我一個。（佢哋縮？）又唔好用個縮字。」他稱Mirror成員各有各忙，他自己也要拍劇。他笑言：「我尋日都瞓唔着，今日要回應姜濤轉會事件，想跑快啲返嚟答你哋問題。我引用AK(Anson Kong江𤒹生）嘅回應『空穴來風』，江湖嘢用江湖去了解，有被討論嘅價值係好事嚟。（一陣點慶祝？)返去要背劇本，聽日要拍劇，希望大家多多支持。」

（點新聞特約記者陳惠芳報道）