連鎖米線店筷子筒塞滿麵包　食客崩潰：我死都唔會再食

【點新聞報道】食肆餐具衞生是飲食衞生的關鍵一環，直接影響食客健康。有網民日前光顧譚仔三哥一間分店，從筷子筒中取出的筷子沾有麵包碎，眾人起疑下把全部筷子抽出來查看，結果發現筷子筒的底部塞了大量麵包，事主崩潰直言：「我死都唔會再食！！！」。

有網民在社交平台threads 分享和朋友到譚仔三哥其中一間分店午膳時遇上恐怖衞生經歷，頭兩個朋友在筷子筒拿筷子時，完全沒有問題，到第三位朋友拿筷子時才驚覺有異，「頭兩個攞筷子嘅時候完全冇發現有問題0阻力，直到第三個Frd攞嘅時候先發現癡住少少麵包碎」。

事主於是即刻換另外一邊的筷子，「本身心諗另外一邊應該冇事嘅，仲講笑話：可能下面有更加多麵包呢」。而他們在好奇心驅使下，決定把全部筷子抽出來查看，竟發現筷子筒的底部塞了大量麵包，「朋友好奇心and行動力Max 攞筷子對住個筒Dok左幾下，發現個聲唔對路，仲要軟冧冧，就攞咗出嚟求證...結果！！！！！！！！！！！！！」。事主直指事件離譜，「我嗰陣已經癲咗，主要係成件事好離譜，我發現有嘢之前，對筷子早就擺咗入口...」，更崩潰地表示「我死都唔會再食！！！」。

譚仔三哥亦在帖文下回覆，指「對於您不快的用餐體驗，我們非常抱歉。三哥向來非常重視食品安全及衞生情況，我們已立刻將是次事件紀錄在案，並會提升衞生及服務質素。」譚仔三哥又指為進一步了解情況及分店資料，希望樓主可以透過IG私訊提供聯絡方式，以便盡快聯絡。

帖文隨即引來網民熱議，「嘩！好嘔心」、「好核突」、「幾驚係跌左堆曱甴出嚟」、「似係食客放入去」、「麵包未發霉又無小強，即係唔係好耐嘅事」、「直立筷子筒係垃圾發明，向上向下都一定污糟，有樣盒叫橫放揭蓋 」、「無論咩餐廳都要洗一洗抹一抹堂食餐具架啦」、「睇返cctv，報警備案」。