首試音樂公路片　Gin接受不完美治失眠

【點新聞報道】日前Gin Lee李幸倪接受「一鏡到底Music Live」挑戰，由九龍塘廣播道車廂開始，唱住歌穿街過巷，一直唱到尖沙咀天星碼頭，邊行邊唱整個過程猶如音樂公路片，她感到很過癮。

整個Music Live長達一個多小時，Gin只靠一支結他伴奏，唱出5首歌曲，最驚喜是在車廂部分，竟然找來《全民造星VI》的愛徒、以「第11人」身份逆襲奪冠的Teller，Gin邊唱Teller邊Beatbox，師徒檔上陣。壓軸一幕去到海運大廈露台，原來一大班fans早已霸定位等偶像，最後來個全場大合唱《企好》，將氣氛推至高峰。

挑戰完結後，Gin大談感受，她笑言：「今日呢個任務，可能係史上最難嘅其中一個任務！因為呢個live唔係普通live，係充滿住太多嘅uncertainties，2026年嘅一個新挑戰。」她續說：「我覺得好好玩、好開心，好鍾意。今日好輕鬆，冇問題，可以再挑戰！可能而家年紀大咗，會學識擁抱唔同moment，唔需要樣樣嘢都完美。真實咁發生，就等佢發生啦。有突發情況，即刻做最好決定處理咗佢就OK。」Gin又自爆以前會為小事失眠，現在覺得盡了力便OK，人生沒可能事事完美。

（點新聞特約記者陳惠芳報道）