王梓軒編演英語微短劇拍成電影　曾志偉加國快閃72小時完戲份

【點新聞報道】王梓軒自編自演的英語微短劇《選美兄弟班》（Rags 2 Richmond）於2024年底以網劇形式播出，上線首月獲逾900萬點擊，反應甚佳，更一度掀起追劇潮，隨即簽約數碼內容公司Viral Nation，開發電視電影版權相關項目，被加拿大業界視為「引領新一輪娛樂潮流」。王梓軒、石祐珊及導演Simon Yin三位主創團隊，把短劇延伸製作成電影版，更邀得曾志偉，薛家燕加盟劇組，日前電影拍攝工作已順利完成，首次擔任電影製作人的王梓軒坦言：「真係差啲壓力爆煲！」

向來工作非常繁忙的曾志偉，這次在王梓軒的誠意打動下，參演《選美兄弟班》電影版，更特意遠赴加拿大開工，卻只能在當地停留72小時。為抓緊時間，連時差都未過就立即埋位，相當專業；期間又到溫哥華商場取景，吸引大批影迷及途人拍照。

志偉說：「好開心見到《選美兄弟班》喺網絡上成績咁好，又攞埋獎，今次有份參與電影版，仲可以同家燕姐一齊拍，好開心。我好享受拍電影，雖然今次唔係第一次拍西片，但係外國劇組有工會制度，就算今次我只係留72個鐘，都照顧得我好好，有足夠時間休息。」他指香港拍電影以效率見稱，不同地方有不同文化：「其實係各有優點，作為演員，我兩邊都好享受。」據知這次的電影拍攝工作，更是志偉卸下「總經理」身份後首個「新工作」，無論台前幕後亦喜迎這位大人物到場，趁拍攝空檔都紛紛把握機會與志偉交流、合照。

首次擔任電影製作人的王梓軒因有前輩坐陣，坦言壓力爆燈：「真係要特別多謝志偉哥同家燕姐。」他笑指現場工作人員都打醒十二分精神：「佢哋知道係志偉哥，即刻話係『China's Jack Nicholson』（積尼高遜），個個都知西片版《無間道》嗰個『大佬』！」

（點新聞特約記者陳惠芳報道）