移民講人系列｜移英blogger自爆離婚遭網暴　網民：自己攞嚟衰「搞人哋啲老公」

【點新聞報道】移民英國變成婚姻墳墓！是緣一名開設fb專頁的港媽去年六月自爆離婚後，聲稱受到線上線下的滋擾，最終日前決定暫停運作專頁。有移英港人轉發有關消息時，直指很多移英港人離婚，不禁慨嘆「如果唔搞移民，段婚姻可能會無問題？」有網民則留言指對方攞嚟衰「搞人哋啲老公」。

話說該fb專頁的港媽一家三口於2021年10月舉家移民到列斯，經常會在專頁分享當地的生活點滴。她日前發文向網友道別，話「由一家三口，走到今日只同女兒相依為命；我離開咗一段接近二十年嘅婚姻，一個人帶住個女生活，真係一啲都唔容易。如果你問我哋過得好唔好？我會坦白話：並唔好。」她提到自去年六月公開宣布同前夫分開之後，針對她們母女嘅攻擊每日層出不窮，甚至由網上延伸到現實生活。因此，經過慎重考慮，決定暫停更新及運作呢個專頁。

有移英港人轉發有關消息時，直指很多移英港人離婚，不禁慨嘆如果沒有移民，兩人或許不會離婚，「真係都幾多移英港人，移民英國後離婚。如果唔搞移民，段婚姻可能會無問題？」。

不過網民就唔多同情該名版主港媽，留言「冇錢，不要移民」、「喺英國離婚平常過你去超市買個Meal Deal有啲嘢唔好化大嚟講」、「自己申請，你唔擺上網人地偷拍就話啫，自己公開晒自己啲野上網之後話人地唱佢，佢老公都頂得佢耐㗎喇 」。

更有不少網民留言講起港媽的八卦，「捉賊喊賊，自己唔擺咁多嘢上網咪唔會俾人批評囉，接受唔到批評又話人哋網暴佢」、「講到自己喺段婚姻攞到好大嘅傷害，問吓自己做咗人老婆又去搞人哋啲老公，喺網上仲要設立人設，做佢前夫真係慘同佢離婚，仲要俾佢唱，錢仲要繼續俾，仲要借private loan買車俾佢揸，唔好講到人哋忘恩負義先，做到隻狗都冇聲出」、「佢賴自己唔好彩搵唔到工，賴要湊住個女搵唔到工，賴整眉無客，賴做lunch姨姨啲人針對佢要佢搬嘢所以劈炮，總之乜都係人錯，永遠唔檢討下自己40幾歲淨係終日沉迷上網，賣女呃like，整眉又紋得衰，發老細夢，講到全英國得佢一個單親咁 。」這些網上流言，孰真孰假，就不得而知了。