（有片）移民講人系列｜移英港人後悔移民呻「活着很累」　網民嘲諷「抵死！麻煩唔好返嚟」

【點新聞報道】移民後嘅生活未必事事都盡如人意，不少人移民後發現現實與預期存在較大落差。近來有移英港人於社交平台發文以「後悔移英」為題大吐苦水，傾訴移民後的生活落差大且對身份感到迷茫，帖文引發熱議。

該名移英港人在Threads發文大呻「居英將近5年，好後悔移民英國」。樓主憶述，十年前其於英國留學時，當地的醫療便捷、NHS（英國的公營醫療系統）未崩潰、經濟發展好、整體社會氛圍「欣欣向榮」。然而在其移民後的這五年來，感受到的卻是截然相反的一面，其坦言「而家係點？大家都心裏有數，無論政治定係經濟都係江河日下，只會繼續衰敗落去」。

更讓樓主感慨的是，即使已在英國生活多年但其仍覺得自己不是其中的一份子，並指「權利亦不獲尊重」。樓主形容自己是「一個打緊一份牛工，無經濟實力嘅異鄉人，日子真係好難過」。

樓主表示自己原本在香港有一份穩定且前景良好的工作，「當年仲有老細叫我去考更高級嘅職位」。其續指「就算當年考唔成，而家應該起碼月薪6萬，就算躺平唔搏，十年後都應該有12萬至14萬。反觀自己而家扣埋稅，港幣2萬月薪都未到」。樓主感慨若當年留港發展，處境可能會好很多，直言「但係已經返唔到轉頭，回頭已是百年身」，更以詩句形容當下心情，「艱難苦恨繁霜鬢。活着很累」。

帖文掀起熱議，不少網民嘲諷，「去之前就已經預咗㗎啦，無做research？」、「佢只係後悔移民生活過得唔好，並唔係為自己嘅偏執及罪行而後悔，真係抵呢啲xxxx折墮」、「自由嘅空氣」、「抵死，麻煩唔好返嚟」、「咁落差都幾大」、「英國經濟的確好差。我親戚住英國差不多30年，佢都話無見過咁差」，更有同路人坦言「好多嘢唔似預期」且同樣後悔移民，但已計劃儲多幾年錢後便離開英國。

不過，亦有同路人鼓勵樓主「喺英國都可以努力搵自己嘅價值」。