移民講人系列｜帶15歲老狗雪山打卡　惹網民圍攻鞭撻　移英「黃師」死撐話人妒忌佢

【點新聞報道】移英「黃師」、網名為「香港老師也移民」最愛在社交平台晒命，她最近帶15歲的狗狗去雪地打卡，引起網民鞭撻。事關老狗剛動完大手術，當日僅穿上外套，就被赤腳放在雪地上，看牠在風雪中瑟縮前行，樣子一點也不快樂。不少網民狠批直情係虐狗，「佢老味，根本就虐待動物，睇見都好Ｘ嬲」、「做老師嘅？帶隻體弱嘅狗去凍，甘Ｘ冇常識，為咗打卡可以去到幾盡」。

移英「黃師」日前在社交平台發相又發片，話「我一直都好想同狗仔去睇雪玩雪，今次仲要嚟到山頂，係英國第六高嘅山Cairngorm Mountain！夢想終於達成，超級開心！」從其上載的圖片可見狗狗僅穿上外套，就被赤腳被在雪地上；影片中的狗狗在風雪中瑟縮前行，毛髮被雪沾濕，一眼就睇得出唔開心。不過，「黃師」卻形容「15歲有多嘅蝦仔，第一次響蘇格蘭Aviemore玩雪，勁開心，如果冇移民英國，都唔會有咁嘅機會」。

有移人港人在社交平台threads轉發「黃師」帖文，鬧爆她虐待動物，「究竟呢2公婆係咪黐線？帶隻十幾歲做完大手術嘅老狗去d咁凍嘅地方？可唔可以有d常識，打卡真係咁重要？有冇人識呢2公婆，可唔可以叫佢地收手呀？」樓主直接公開名兩公婆的真名，「如果有人係呢2公婆陳德珊、蘇家俊嘅親朋戚友，就真係好好勸佢哋啦唔該，點都唔會覺得隻老狗開心啦，連腳套都冇，你哋係咪有病呀？虐待動物！」。

樓主發現「黃師」的社交平台開通咗營利，唔怪之得要咁樣「呃like」。樓主強調，並非搞分化、針對移英港人，重申今次事件已超過底線，「你帶狗仔喺屋企附近玩，落雪係冇問題，但呢隻狗15歲10月做完手術切咗脾臟，佢哋2公婆冇揸車，由abbey wood 去cairngorm海拔千幾米雪山，更離譜係狗仔嘅保暖裝備唔夠，為嘅就係打卡！而陳德珊亦都自己喺Facebook度講自己開咗收益，成件事係完全不能接受！同政治無關」。

不少網民留言狠批「黃師」可恥，「蝦仔好慘，凍到郁唔到」、「完全係虐待動物，隻狗狗好慘」、「直情係虐狗，15歲，做完大手術冇耐，舟車勞頓上去睇雪為打卡，睇佢隻狗啲毛打晒棘就知平時點對隻狗，完全冇groom過，之前另一隻狗死咗冇耐就話喺韓國買咗第二隻，一講起呢條友我就慶」、「真係睇到隻狗都慘，本身已經冇好好打理同照顧，宜家直頭係虐待，可唔可以唔好再咁樣？真係唔怕報應？」。

面對網民排山倒海的指摘，「黃師」仲死撐話人妒忌佢，「我唔會理會嗰啲所謂嘅網絡欺凌，真係太無聊，嗰啲人只係失敗者，佢哋好妒忌我哋響外國嘅生活，唔單止妒忌我，仲妒忌埋我隻狗」。